TOOS, Turkiga oo sheegay in ay soo rideen gantaal balastig ah oo laga soo ganay Iiraan

Tebin toos ah

Abdishukri Haybe - Xuseen Xuska

1. 3 Maarso 2026War deg deg ah, Israa’iil oo weerartay Xafiiska Madaxweynaha Iiraan

   

   Xigashada Sawirka, Getty Images

   Ciidanka Israa’iil ayaa sheegay inay weerareen Xafiiska Madaxweynaha ee Iiraan

   Waxaan helnay war cusub oo ka yimid ciidanka Israa’iil oo sheegaya in ciidamadooda cirka ay garaaceen xarunta hoggaaminta nidaamka Iiraan.

   Bayaan ay soo dhigeen Telegram, ciidanka IDF waxay ku sheegeen in “hub fara badan” lagu riday Xafiiska Madaxweynaha iyo Golaha Sare ee Ammaanka Qaranka ee Iiraan.

   Waxay intaa ku dareen in hay’ad tababar milatari iyo “kaabayaal muhiim ah oo kale oo nidaamka ah” sidoo kale la garaacay.

   Hoggaamiyihii hore ee Sare ee Iiraan, Ayatollah Ali Khamenei, ayaa la sheegay inuu isticmaali jiray xaruntaas, sida ay IDF sheegtay. Khamenei ayaa la dilay xaruntiisa intii lagu jiray weeraro ay wada qaadeen Maraykanka iyo Israel dhammaadkii toddobaadkan.

   Dagaalka bariga dhexe: Aaway saaxiibadii Iiraan ee Shiinaha iyo Ruushka?

   Yaa burburiyay saddexdii diyaaradood ee dagaalka Maraykanka, sideese loo burburiyay?

   Xiritaanka Marinka Hormuz muxuu uga dhigan yahay dunida?

2. 3 Maarso 2026Iiraan : Magacyada magaalooyinka ay weli duqayntu ku socoto

   

   Xigashada Sawirka, AFP via Getty Images

   Weerarada Israa’iil iyo Maraykan ay ku hayaan magaalooyin kala duwan oo ku yaalla Iiraan ayaa weli socda.

   Sida ay wararku sheegayaan, weerarada Maraykanka iyo Israa’iil ee ka socda magaalooyin kala duwan ayaa sii socday, waxaana saacadihii la soo dhaafay qaybo kala duwan oo Iiraan ah ay noqdeen bartilmaameed mowjad cusub oo weerarro ah, oo ay ku jiraan Tehran (Pardis iyo Parchin), Bushehr, iyo Urmia.

   Sida ay sheegtay Maamulka Gobolka Isfahan, saddex qof oo rayid ah ayaa ku dhintay weerar maanta lagu qaaday “meel ku taalla Isfahan.”

   Hoos ka akhri warbixino kale

   Dagaalka bariga dhexe: Aaway saaxiibadii Iiraan ee Shiinaha iyo Ruushka?

   Sidee bay Turkiga u saameynaysaa xaaladda sii darsanaysa ee bariga dhexe

   Yaa burburiyay saddexdii diyaaradood ee dagaalka Maraykanka, sideese loo burburiyay?

   'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

   Xiritaanka Marinka Hormuz muxuu uga dhigan yahay dunida?

3. 3 Maarso 2026Sidee ayay dalalka Khaliijku u arkaan colaadda ka dhex aloosan Israa’iil iyo Iiran?

   Marka loo eego jawaabta ay Israa’iil ka bixinayso weerarka gantaallada ee Iiraan, dad badanina ay la socdaan isbeddellada suurtagalka ah ee ku yimid isu-dheellitirka awoodda Bariga Dhexe ee u dhexeeya Israa’iil iyo kuwa ka soo horjeeda, waxaa sidoo kale isha lagu hayaa dalalka Carabta ee Khaliijka, kuwaas oo muddo dheer lagu tilmaamay in xiriirkooda Tehraan uu xumaa.

   Wakaaladda wararka ee Reuters oo soo xiganaysa labo ilo oo aan la magacaabin ayaa sheegtay in “dawladdaha khaliijku ay fariin u direen Iran, iyaga oo doonaya in ay u xaqiijiyaan dhex dhexaadnimadeeda khilaafka Israa’iil” iyadoo la tixraacayo shir “aan rasmi ahayn” oo ay si wada jir ah u wada yeesheen wasiirrada arrimaha dibadda ee dalalka Khaliijka oo la qabtay Oktoobar 3, oo uu shaaca ka qaaday Xoghayaha Guud ee Golahaas, Jassim Al-Badawi.

   Sii akhri warbixinta

   Hoos ka akhri warbixino kale

   Sidee bay Turkiga u saameynaysaa xaaladda sii darsanaysa ee bariga dhexe

   Yaa burburiyay saddexdii diyaaradood ee dagaalka Maraykanka, sideese loo burburiyay?

   'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

   Xiritaanka Marinka Hormuz muxuu uga dhigan yahay dunida?

4. 3 Maarso 2026War deg deg ah, Deked ganacsi oo ku taalla Cumaan oo la weeraray

   

   Xigashada Sawirka, UGC

   Dalka Cumaan, haan shidaal oo ku taalla Dekedda Duqm ayaa lagu weeraray diyaarad aan duuliye lahayn (drone), sida ay sheegtay wakaaladda wararka ee dowladda Cumaan.

   “Iyadoo waxyeellada la xakameeyay, wax khasaare naf ah lama diiwaangelin,” ayuu yiri ilo amni oo aan la magacaabin.

   Isla dekeddaas ayaa sidoo kale lagu weeraray drones dhammaadkii toddobaadka. Wararka ayaa sheegaya in hal shaqaale ah uu ku dhaawacmay.

   Dalka dariska la ah ee Qatar, soo saarista gaaska dabiiciga ah ee dareeraha ah (LNG) ayaa la joojiyay Isniintii – taas oo qiyaastii ka dhigan shan meelood meel sahayda caalamka – kadib weerarro ay Iiraan ku qaaday qaar ka mid ah xarumaheeda.

   Sacuudi Carabiya ayaa iyaduna hakisay wax soo saarka warshaddeeda sifeynta shidaalka ee ugu weyn dalka.

   Cumaan ayaa muddo dheer door muhiim ah ka ciyaareysay dhex-dhexaadinta wadahadallada Maraykanka iyo Iiraan – kuwii ugu dambeeyayna waxay ka dhaceen dalkaas bishii hore, iyadoo Wasiirka Arrimaha Dibadda Iiraan, Abbas Araghchi, uu ku tilmaamay wadahadalladaas “bilow wanaagsan.”

   Hoos ka akhri warbixino kale

   Sidee bay Turkiga u saameynaysaa xaaladda sii darsanaysa ee bariga dhexe

   Yaa burburiyay saddexdii diyaaradood ee dagaalka Maraykanka, sideese loo burburiyay?

   'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

   Xiritaanka Marinka Hormuz muxuu uga dhigan yahay dunida?

5. 3 Maarso 2026Ujeedka Maraykanku ma beddelidda hoggaanka mise beddelidda kacaanka?

   

   Xigashada Sawirka, Thinkstock

   Iyadoo doodaha ku saabsan jihada mustaqbalka ee siyaasadda Maraykanka ee ku wajahan Iran ay sii baahayaan, qaar ka mid ah falanqeeyayaasha ayaa sheegaya in maamulka Donald Trump uu qaadan karo hab la mid ah kii uu ku qaatay Venezuela – qaab ay dhaleeceeyayaashu ku tilmaamaan in uu diiradda saarayo isbeddel xaddidan oo ku yimaada madaxda sare ee qaab-dhismeedka awoodda halkii uu ka ahaan lahaa isbeddel buuxa oo ku yimaada nidaamka siyaasadeed.

   Walaacyadan, oo barbar socda dhaqdhaqaaqyada dibloomaasiyadeed ee cusub iyo wada-hadallada adag ee u dhexeeya Maraykanka iyo Israa'iil, ayaa mar kale keentay su'aalo ku saabsan saamaynta uu muuqaalkan noocaas ahi ku yeelan karo dadka Iran iyo xasilloonida gobolka.

   Horraantii sannadka 2026-kii, tallaabo aan horay loo arag oo ka dhacday Venezuela, ciidamada militariga Maraykanka ayaa sameeyay hawlgal ballaadhan laakiin waqti gaaban socday, iyagoo soo xidhay Madaxweyne Nicolás Maduro oo ay keeneen Maraykanka – tallaabadan oo keentay falcelin ballaadhan oo caalami ah, saamaynteeduna siyaasadeed iyo amni waxay dhaaftay xuduudaha Laatiin Ameerika.

   Sii akhri warbixinta

6. 3 Maarso 2026Hogaamiyihii la dilay ee Iiraan oo kasii dardaarmay cidda beddelaysa iyo sida loo shaqaynayo haddii la dilo

   

   Xigashada Sawirka, Getty Images

   Wargeyska New York Times ayaa goor hore qoray in Hoggaamiyaha Sare ee Iran Ali Khamenei, uu bilihii la soo dhaafay, uu Xilal ballaaran u dhiibay Sarkaal sare oo dhinaca Ammaanka ka tirsan, Ali Larijani, iyadoo ay sii kordhayso Xiisadda kala dhexeysa Maraykanka iyo suurtogalnimada inay isku dhacaan Millitari ahaan.

   Warbixintu waxa ay ku salaysan tahay waraysiyo lala yeeshay lix sarkaal oo sarsare oo Iran ah oo mid ka mid ahi uu xiriir la leeyahay xafiiska hoggaamiyaha sare ee Iran—iyo saddex xubnood oo ka tirsan Ilaalada Kacaanka Islaamiga ah (IRGC), iyo sidoo kale dublamaasiyiin hore oo Iran u dhashay iyo warbixinno ay baahiyeen warbaahinta Iran. Saraakiisha iyo xubnaha IRGC ayaa ka hadlay arrimo gudaha ah.

   Marka laga eego dhanka Khamenei waxa uu u xilsaaray Larijani, 67 jir ah, siyaasi ruug-caddaa ah iyo taliyihii hore ee Ilaalada Kacaanka oo hadda madax ka ah Golaha Sare ee Amniga Qaranka, inuu maareeyo faylalka muhiimka ah ee dawladda. Ilo wareedyo ayaa tilmaamaya in saameyntiisa ay si tartiib tartiib ah u balaartay oo ay ka mid tahay kormeerida habka loo maareeyo mudaaharaadyada gudaha, maaraynta isgaarsiinta xulafada sida Ruushka, la macaamilka jilayaasha gobolka oo ay ku jiraan Qatar iyo Cummaan, iyo la socodka wada xaajoodka Nukliyeerka ee Washington.

   Sii Akhri warbixinta

7. 3 Maarso 2026War deg deg ah, Air France oo joojisay duulimaadkeedii Tel Aviv iyo Dubai

   

   Xigashada Sawirka, EPA/ Getty Images

   Air France ayaa joojisay duulimaadyadii tegi jiray ama ka imaan jiray Magaalooyinka Tel Aviv, Beirut, Dubai, iyo Riyadh ilaa Khamiista, sababo la xiriira khataro amni.

   Hoos ka akhri warbixino kale

   Sidee bay Turkiga u saameynaysaa xaaladda sii darsanaysa ee bariga dhexe

   Yaa burburiyay saddexdii diyaaradood ee dagaalka Maraykanka, sideese loo burburiyay?

   'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

   Xiritaanka Marinka Hormuz muxuu uga dhigan yahay dunida?

8. 3 Maarso 2026War deg deg ah, Trump oo ‘waxtar la’aan’ dagaalka Iiraan ah ku dhaliilay ra’iisul wasaaraha Ingiriiska

   

   Xigashada Sawirka, Reuters

   Trump ayaa sheegay ra’iisul wasaaraha Ingiriiska Starmer “uusan waxtar lahayn” isla markaana xiriirkoodu “uusan sidii hore ahayn”

   Donald Trump ayaa dhaliilay Keir Starmer doorkiisa ku aaddan weerarrada Maraykanka ee Iiran.

   Isaga oo la hadlayay wargeyska The Sun, Trump wuxuu sheegay in ra’iisul wasaaruhu “uusan waxtar lahayn. Marnaba ma filayn inaan arko taas. Marnaba kama filayn Boqortooyada Ingiriiska.”

   Wareysi taleefan ah ayuu ku daray: “Waa murugo in la arko in xiriirku si cad uusan sidii hore ahayn.”

   Isniintii, Starmer ayaa u sheegay Aqalka Hoose in dowladdiisu “aysan rumaysnayn in isbeddel nidaam laga sameeyo cirka.”

   Bilowgii, UK ma oggolaan in Maraykanku isticmaalo saldhigyada milatari ee Britain si uu u weeraro Iiran, balse markii dambe waxay furtay saldhigyadeeda si loogu fuliyo weerarro “difaac ah”.

   Trump ayaa sidoo kale u sheegay The Sun: “Faransiisku wuu fiicnaa. Dhammaantood way fiicnaayeen. UK si weyn ayay uga duwanaatay kuwa kale.”

   Hoos ka akhri warbixino kale

   Sidee bay Turkiga u saameynaysaa xaaladda sii darsanaysa ee bariga dhexe

   Yaa burburiyay saddexdii diyaaradood ee dagaalka Maraykanka, sideese loo burburiyay?

   'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

   Xiritaanka Marinka Hormuz muxuu uga dhigan yahay dunida?

9. 3 Maarso 2026War deg deg ah, Israa’iil oo ciidamadeeda dhulka gudaha u galayaan Lubnaan

   Israa’iil ayaa sheegtay in ciidamadeeda dhulka ay “horay u socon doonaan oo ay qabsan doonaan goobaha istiraatiijiga ah ee Lubnaan.

   Bayaan kasoo baxay Wasiirka Gaashaandhigga Isra’iil, Israel Katz, oo laga turjumay Hebrew, ayaa lagu sheegay in isaga iyo Ra’iisul Wasaare Benjamin Netanyahu ay oggolaadeen in IDF ay hore u socoto oo ay qabsanayso goobaha istiraatiijiga ah ee Lubnaann si looga hortago weerarka ku wajahan bulshada ku nool xuduudaha Isra’iil.

   Katz wuxuu sii sheegay: “IDF waxay sii wadaysaa howlgalladeeda xooggan ee ka dhanka ah goobaha ay leeyihiin Hezbollah ee gudaha Liibaanon. Ururka argagixisada ah wuxuu bixinayaa – wuxuuna sii wadi doonaa bixinta – ciqaab culus oo ku saabsan rasaastii uu Isra’iil u adeegsaday.”

   Wuxuu sidoo kale cadeeyay in Isra’iil ay go’an tahay “in ay difaacdo bulshooyinka xuduudaha,” isagoo intaa ku daray: “Waxaan bulshada Galilee ballanqaadnay ammaankooda, taasna waa waxa aan fulin doonno.”

   Hoos ka akhri warbixino kale

   Sidee bay Turkiga u saameynaysaa xaaladda sii darsanaysa ee bariga dhexe

   Yaa burburiyay saddexdii diyaaradood ee dagaalka Maraykanka, sideese loo burburiyay?

   'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

   Xiritaanka Marinka Hormuz muxuu uga dhigan yahay dunida?

10. 3 Maarso 2026War deg deg ah, Hezbollah oo Milatariga Israa'iil ka weerartay saddex goobood

    Kooxda Hezbollah ee ay taageerto Iiraan ayaa sheegtay inay weerartay saddex goobood oo milatariga Israa’iil leeyihiin oo ah “ka jawaabid weerarada Israa’iil ay ku beegsatay boqolaal magaalooyin iyo tuulooyin Lubnaan ah.”

    Saddex qoraal oo kala duwan oo lagu daabacay Telegram, Hezbollah ayaa sheegtay inay garaacday saldhigga Nafah ee Golan Heights iyadoo adeegsanaysa gantaallo waaweyn, sidoo kale saldhigyada diyaaradaha Meron iyo Ramat David oo ku yaal waqooyiga Israa’iil, iyadoo la adeegsanayo diyaarado aan duuliye lahayn (drones).

    Ciidamada Israa’iil weli kama aysan hadlin weerarradan muuqata.

    Hoos ka akhri warbixino kale

    Sidee bay Turkiga u saameynaysaa xaaladda sii darsanaysa ee bariga dhexe

    Yaa burburiyay saddexdii diyaaradood ee dagaalka Maraykanka, sideese loo burburiyay?

    'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

    Xiritaanka Marinka Hormuz muxuu uga dhigan yahay dunida?

11. 3 Maarso 2026War deg deg ah, Qaraxyo waaweyn oo laga maqlay Tehran

    Sida ay ku warantay wakaalada wararka AFP, waxaa laga maqlay qaraxyo xooggan caasimadda Iiraan ee Tehran, iyada oo daruuro qiiq madow ay ka soo baxayaan magaalada, taas oo ka dhalatay duqayno cirka ah oo ay fuliyeen ciidamada Isra’iil iyo Maraykanka.

    Qaraxyadan ayaa lagu sheegay kuwo si xooggan u saameeyay aaggaas, iyadoo ciidamada Isra’iil ay wadaan weerarro ku wajahan “goobo milatari” oo ku yaal Tehran.

    Hoos ka akhri warbixino kale

    Sidee bay Turkiga u saameynaysaa xaaladda sii darsanaysa ee bariga dhexe

    Yaa burburiyay saddexdii diyaaradood ee dagaalka Maraykanka, sideese loo burburiyay?

    'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

    Xiritaanka Marinka Hormuz muxuu uga dhigan yahay dunida?

12. 3 Maarso 2026War deg deg ah, Beirut oo holcaysa

    Qiiq aad u weyn ayaa kasoo baxay dusha koonfurta Beirut kadib markii Israa’iil ay weerarro cirka ah ka geysatay aaggaas, iyada oo ciidamada Israa’iil ay beegsadeen meelo ay ku jiraan Hezbollah oo dhacda koonfurta caasimadda Lubnaan.

    Sawirrada ayaa muujinaya daruuro madow oo qiiq ah oo cirka u sii kacaaya aaggaas, taasoo ka dhalatay weerarradaasi.

    

    Xigashada Sawirka, Reuters

    

    Xigashada Sawirka, Reuters

    Hoos ka akhri warbixino kale

    Sidee bay Turkiga u saameynaysaa xaaladda sii darsanaysa ee bariga dhexe

    Yaa burburiyay saddexdii diyaaradood ee dagaalka Maraykanka, sideese loo burburiyay?

    'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

    Xiritaanka Marinka Hormuz muxuu uga dhigan yahay dunida?

13. 3 Maarso 2026War deg deg ah, Maxaa ugu dambeeyay Maalinkii Afaraad ee dagaalka Iiraan : Israa'iil oo qaaday weeraro cusub

    

    Xigashada Sawirka, EPA

    Maalintii afraad ee dagaalka Maraykanka iyo Isra’iil ee Iran, halkan waxaa kuugu haynaa wararkii ugu dambeeyay:

    • Isra’iil ayaa bilowday mowjad cusub oo “weerarro cirka ah oo baaxad leh” oo ay ku beegsanayso sida ay sheegtay “goobo milatari” oo dhaca Tehran iyo Beirut.
    • Safaaradda Maraykanka ee Riyadh ayaa lagu weeraray laba diyaaradood oo aan duuliye lahayn (drones), sida ay sheegtay Wasaaradda Gaashaandhigga Sacuudiga, taas oo dhalisay dab “xadidan.”
    • Warbaahinta rasmiga ah ee Iiran ayaa sheegtay in dhismo amar bixinta iyo shaqaalaha ku yaala saldhig diyaaradeed Maraykanka ah ee Baxreyn la burburiyey.
    • Mas’uul Iiraani ah ayaa ku hanjabay inuu “gubin doono” markabka kasta oo isku dayaya inuu maro Gacanka Hormuz, oo ah waddo muhiim u ah sahayda tamarta caalamiga ah.
    • Xoghayaha Arrimaha Dibadda ee Maraykanka, Marco Rubio, ayaa shalay sheegay in “waxyaabaha ugu adag ay soo socdaan” ee dagaalka Maraykanka ee Iiran. Waxa uu hadlay ka dib markii Donald Trump uu weerarradii Sabtida ku tilmaamay “fursaddii ugu dambeysay, uguna wanaagsanayd” ee looga takhalusi karo “khataraha” ka imanaya Tehran.
    • Lix askari oo Maraykan ah ayaa la dilay tan iyo bilowgii dagaalka. Saddex diyaarado dagaal oo Maraykan ah ayaa shalay ku dhacay Kuwait “dhacdo rasaas saaxiibtinimo ah” – duuliyayaashii diyaaradaha ayaa badbaaday.
    • Shalay, Ra’iisul Wasaaraha UK, Keir Starmer, ayaa u sheegay xubnaha Baarlamaanka inuu “rumaysan yahay in isbeddelka xukuumadda laga sameeyo cirka” uu sax ahayn. Laakiin wuxuu ogolaaday in Maraykanku isticmaalo saldhigyada milatari ee Britain si ay u fuliyaan weerarro “difaaqa ah” oo lagu beegsanayo goobaha gantaallada Iran.

    Hoos ka akhri warbixino kale

    Sidee bay Turkiga u saameynaysaa xaaladda sii darsanaysa ee bariga dhexe

    Yaa burburiyay saddexdii diyaaradood ee dagaalka Maraykanka, sideese loo burburiyay?

    'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

    Xiritaanka Marinka Hormuz muxuu uga dhigan yahay dunida?

14. 3 Maarso 2026War deg deg ah, Ugu yaraan 169 qof oo lagu dilay weerar “layaab leh” oo ka dhacay Koonfurta Suudaan

    

    Xigashada Sawirka, AFP via Getty Images

    Mas’uuliyiinta Koonfurta Suudaan ayaa sheegay in ugu yaraan 169 qof oo ay ku jiraan mas’uuliyiin sare, lagu dilay Axaddii markii koox rag ah oo aan la aqoonsan weerar ku qaadeen deegaan ku yaal waqooyiga dalkaasi.

    Weerarkan, oo lagu sheegay in ay fuliyeen dhallinyaro hubeysan oo tiro badan, waxaa faahfaahiyay Wasiirka Warfaafinta ee Ruweng Administrative Area, James Monyluak Mijok, oo sheegay in kooxdan ay ka yimaadeen gobolka deriska ah ee Unity, isla markaana la xiriira mucaaradka hubaysan ee (SPLA-IO).

    SPLA-IO ayaa beenisay wax ku lug lahaansho ah oo weerarka ah, iyadoo ku eedaysay mas’uuliyiinta gobolka Unity inay siyaasadeeyeen rabshadaha.

    Qaramada Midoobay ayaa si joogto ah u digniisay in dalka uu halis ugu jiro inuu dib ugu laabto dagaal sokeeye oo baaxad leh.

15. 3 Maarso 2026War deg deg ah, Safaaradda Maraykanka ee Kuwait oo la xiray “illaa ogeysiis dambe”

    

    Xigashada Sawirka, timeskuwait

    Safaaradda Maraykanka ee Kuwait ayaa la xiray “illaa ogeysiis dambe,” sida lagu sheegay qoraal lagu daabacay akoonkooda X, iyada oo la tilmaamay “xiisado gobolka ka taagan.”

    Safaaradda ayaa sheegtay, “waxaan laalnay dhammaan ballamaha qunsuliyada ee caadiga ah iyo kuwa degdegga ah.”

    Isniintii, Waaxda Arrimaha Dibadda ee Maraykanka ayaa ku baaqday in dadka Maraykanka ah ee ku sugan meelo badan oo Bariga Dhexe – oo ay ku jirto Kuwait – ay hadda ka baxaan iyagoo adeegsanaya gaadiidka ganacsi, sababo la xiriira “halis amni oo weyn.”

    Sidoo kale, saddex diyaarado dagaal oo Maraykan ah ayaa ku dhacay dalka Isniintii, iyada oo ay sabab u ahayd “dhacdo rasaas saaxiibtinimo ah.”

    Xiritaanka safaaradda Kuwait ayaa ku soo beegmaya kadib markii safaaradda Maraykanka ee Riyadh lagu weeraray laba diyaarad oo aan duuliye lahayn (drones) habeenkii.

    Hoos ka akhri warbixino kale

    Yaa burburiyay saddexdii diyaaradood ee dagaalka Maraykanka, sideese loo burburiyay?

    'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

    Xiritaanka Marinka Hormuz muxuu uga dhigan yahay dunida?

16. 3 Maarso 2026War deg deg ah, Maraykanka waxa uu u haystaa hub ku filan “dagaal weligiis socon kara,” - Trump

    

    Xigashada Sawirka, Reuters

    Madaxweynaha Maraykanka Donald Trump ayaa qoraal uu soo dhigya barta bulshada ee Truth Social ku faanay in kaydka ballaaran ee Maraykanka ee hubka “heer dhexe iyo heer ka sarreeya,” uu leeyahay isaga oo sheegay in lagu dagaalami karo dagaallo “socon kara karo weligood… iyadoo la adeegsanayo kaliya hubkan.”

    “Waxaan haynaa kayd aan xad lahayn oo hubkan ah. Maraykanku waa diyaarsan yahay, oo diyaar u yahay inuu GUULEYSTO, SI WEYN!!!” ayuu qoray Trump, isagoo qoraalka soo dhigay habeen hore ka hor saqda dhexe ee Washington D.C. (0500 GMT).

    Hadalkiisa ugu dambeeyay, wuxuu sidoo kale eedeeyay madaxweynihii isaga ka horeeyay Joe Biden inuu siiyay Ukraine “hub aad u heer sareeya” oo Maraykan ah. Dhamaadkii xilka afartii sano ee Biden, wuxuu Ukraine u oggolaaday inay isticmaasho gantaallada fog ee awooda badan ee ATACMS, kuwaas oo garaaci kara meel ka fog ilaa 190 mayl (300 km).

    Hoos ka akhri warbixino kale

    Yaa burburiyay saddexdii diyaaradood ee dagaalka Maraykanka, sideese loo burburiyay?

    'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

    Xiritaanka Marinka Hormuz muxuu uga dhigan yahay dunida?

17. 3 Maarso 2026War deg deg ah, War Degdeg ah : Weeraro cusub oo lagu qaaday Tehran iyo Beirut

    

    Xigashada Sawirka, EPA/Shutterstock

    Ciidamada difaaca Israa’iil ee IDF ayaa xaqiijiyay inay weerarro ka fuliyeen caasimadda Iiraan ee Tehran iyo caasimadda Lubnaan ee Beirut.

    “IDF hadda waxay fulinaysaa weerarro isku mar ah oo si gaar ah loogu beegay goobo milatari oo ku yaal Tehran iyo Beirut,” ayaa lagu yiri bayaan ka soo baxay.

    Weerarradan ayaa dhacay ku dhawaad saacad kadib markii IDF ay soo saartay “digniin degdeg ah” oo ku wajahan dadka ku nool degmada koonfureed ee Beirut iyo boqolaal tuulooyin, iyadoo lagu amray in ay ka baxaan. IDF waxay sheegtay inay beegsanayso xarumaha amar bixinta iyo bakhaarrada ay leedahay Hezbollah.

    La soco wararkayaga si aan kuu siino xogtii ugu dambeysay ee dhacdadan.

    Hoos ka akhri warbixino kale

    Yaa burburiyay saddexdii diyaaradood ee dagaalka Maraykanka, sideese loo burburiyay?

    'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

    Xiritaanka Marinka Hormuz muxuu uga dhigan yahay dunida?

18. 3 Maarso 2026War deg deg ah, Maraykanka oo soo saaray Liiska dalalka ay tahay degdeg uga baxaan muwaadiniintiisa

    

    Xigashada Sawirka, Reuters

    Qoraal ay barta bulshada kusoo daabacday Mora Namdar oo ah diblomaasi Iiraani–Maraykan ah oo ka shaqeeysa Waaxda Arrimaha Dibadda ee Maraykanka, gaar ahaana ah Kaaliyaha Xoghayaha Arrimaha Dibadda ee Qeybta Arrimaha Qunsuliyada ayay ku tiri

    ''Waaxda Arrimaha Dibadda ee Maraykanka iyo Wasiir @SecRubio waxay ku boorinayaan Maraykanka in ay HADA ka baxaan wadamada hoos ku xusan iyagoo adeegsanaya gaadiidka ganacsi ee la heli karo, sababo la xiriira halis amni oo weyn''

    Dalalkaasi ayaa kala Baxrayn, Masar, Iiraan, Israa'iil, Daanta Galbeed, Qaza, Urdun, Kuwait, Lubnaan, Cumaan, Qatar, Sacuudi Carabiya, Suuriya, Imaaraatka Carabta iyo Yemen.

    

    Xigashada Sawirka, Assistant Secretary Mora Namdar

    Hoos ka akhri warbixino kale

    Yaa burburiyay saddexdii diyaaradood ee dagaalka Maraykanka, sideese loo burburiyay?

    'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

    Xiritaanka Marinka Hormuz muxuu uga dhigan yahay dunida?

19. 3 Maarso 2026War deg deg ah, Isra’iil oo soo saartay diginin ka bixitaan Koonfurta Beirut

    

    Xigashada Sawirka, Reuters

    Ciidamada IDF ayaa soo saaray “digniin degdeg ah” oo ku wajahan dadka ku nool degmada koonfureed ee Beirut iyo boqolaal tuulooyin.

    Waxay sheegeen in dadka looga digayo inay ka fogaadaan dhismayaasha la xiriira Hezbollah, qofkasta oo ku dhowna uu halis ku jiro.

    “Amnigaaga dartii, waa inaad si degdeg ah uga baxdaa guryaha,” ayuu yiri afhayeenka IDF ee ku hadla afka Carabiga, Avichay Adraee.

    Markii digniinta lasoo saaray, daruuro madow oo qaro weyn ayaa laga arkay cirka subaxnimada hore ee Beirut.

    Hoos ka akhri warbixino kale

    Yaa burburiyay saddexdii diyaaradood ee dagaalka Maraykanka, sideese loo burburiyay?

    'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

    Xiritaanka Marinka Hormuz muxuu uga dhigan yahay dunida?

20. 3 Maarso 2026War deg deg ah, Dhawaaq rasaas laga maqlay wadada Ashrafi‑Esfahani ee Tehran

    Isbaarooyin ayaa la arkayay iyada oo dhawaaq rasaasna la maqlayay taas oo ka dhacday wadada Ashrafi‑Esfahani ee Tehran

    Kanaalka Vahid Online ayaa soo daabacay muuqaal uu ku sheegay in ciidamada ammaanku ay dhigeen barta hubeysan (checkpoint) ee waddada Ashrafi‑Esfahani ee magaalada Tehran Isniin fiidkii, 1-da Maarso, waxaana laga maqlayaa dhawaaq rasaas ah.

    Tehran waxaa la beegsaday duqayn cirka ah oo culus bishii 1-dii Maarso.

    Hoos ka akhri warbixino kale

    Yaa burburiyay saddexdii diyaaradood ee dagaalka Maraykanka, sideese loo burburiyay?

    'Wax walba waa isbeddeleen': Weerarrada gantaalaha ayaa burburiyay sawirkii quruxda badnaa ee Dubai.

    Xiritaanka Marinka Hormuz muxuu uga dhigan yahay dunida?