څېړنه: له انساني وېښتو جوړ کریم د خرابو غاښونو درمنله کولای شي

څېړوونکي وايي، د غاښونو پاکولو هغه کریم چې له انساني وېښتو جوړ شوي دي، د خرابو غاښونو بیارغاوونه کولای شي او د ژر وتلو مخه یې نیولای شي.

د لندن کنګز کالج (کي سي ایل) ساینس پوهانو موندلې، کیراتین، چې یو پروټین دی او په وېښتانو، پوستکي او وړیو کې موندل کېږي، کولی شي د غاښونو انامیل ترمیم کړي او د تخریب لومړنی پړاو یې ودروي.

د دوی څېړنې څرګنده کړه، چې کیراتین په لاړو کې له منرالونو سره له یو ځای کېدو وروسته د خوندیتوب یو ډول پوښ تولیدوي چې د طبیعي انامیل جوړښت او فعالیت تقلید کوي.

د لندن د کنګز کالج (کي سي ایل) کې د پی اېچ ډي څېړونکې او د دې څېړنې لیکواله سارا ګامیا وايي: "کیراتین د غاښونو معاصرې درملنې ته یو بدیل وړاندې کوي."

هغې زیاته کړه: "دا ټیکنالوژي د بیولوژي او غاښونو د درملنې ترمنځ واټن کموي. د دوستۍ یو چاپیریال چمتو کوي، چې طبیعي بهیر منعکسوي:

"نه یوازې دا چې د بیالوژیکي توکو له ضایعاتو، لکه، وېښته او پوستکي څخه سرچینه اخلي دا د دودیزو پلاستيکي توکواړتیا هم له منځه وړي، چې معمولا د غاښونو بیا رغونه کې کارول کېږي، چې کېدای شي زهرجن او لږ دوام لروونکي وي."

په خپله دې څېړنه کې، چې د (روغتیايي پاملرنې پرمختللي توکي) په مجله کې خپره شوې، ساینس پوهانو له وړۍ څخه کیراتین ایستلي وو.