Башкы бет

Видео жаңылыктар

Кыргызстан

Дүйнө

Аялзат

Өткөн аптада балдардын зомбулук көргөн окуялары элдин көңүлүн бурду. Араван районунда жаш эне эгиз кыздарын шымына заара ушатып койгону үчүн катуу сабап жаткан видео тарап,  21 жаштагы Д.С. аттуу аял кармалып, абакка киргизилди. Андан кийин Бишкекте түнкү саат 23:30 чамасында  таштанды челекке ташталган жаңы төрөлгөн ымыркай табылды. 

Сабалган эгиз кыздардын атасы: "Моралдык жоопкерчиликти сезбейм" 

Улуттук статистикалык комиттеттин берген маалыматында, 2022-жылы кризистик борборлорго кайрылгандардын саны 14525 болду. 10 миңге жакыны үй-бүлөдө зомбулукка кабылган. Бул андан мурдагы жылга караганда эки миңге көп. Үй-бүлөдөгү зордук-зомблуктан улам барар жери жок калган айымдар үчүн Кыргызстанда түрдүү кризистик борборлор бар. Аларга берилчү алгачкы жардам тууралуу “Аялзат” кризистик борборунун психологу Айнур Кыдыралиева менен баарлаштык. 

Психолог: Кризистик борборго келгендер дарбазадан чыккандан да коркушат

Жапонияда 300дөн ашык адам өлкөдөгү таланттарды издөө агенттинен жыныстык зордук үчүн кенемте талап кылууда. 2019-жылы каза болгон Жонни Китагавага айыптоолор Би-Би-Синин ушул жылдагы документалдуу фильминде да көтөрүлдү. Токиодо басма сөз жыйынында Johnny and Associates агенттиги жаңжалдан кийин өлкөдөгү эң таасирлүү шоу-бизнести  кайра түзүү аракеттери болуп жатканын билдирди. 

Жапония: шоу-магнаттан шору кайнаган жаш таланттар

Жаңы Карабак согушу бир суткадан көбүрөөк созулду: таанылбаган республика куралын таштоого жана куралдуу бөлүктөрүн таркатууга макул болду. 21-сентябрда Азербайжан менен Карабак армяндарынын өкүлдөрү жолугушуп, алардын мындан аркы биргелешкен келечегин талкуулашат. Алар Тоолуу Карабактын тургундарына эми эмне болот деген негизги маселени чечиши керек.  

Карабакта ок атышуу токтоду. Таанылбаган республика эми эмне болот?

Кыргызстанда 18 жашка толгон балдарга энесинин атына (матроним) катталууга жол ачкан чечим чыгарган Конституциялык сот катуу кысымга кабылды. ЖК төрагасы Нурлан Шакиев  Конституциялык соттун төрагасынын жана бүт курамынын кызматтан кетишин талап кылды. Бир эле убакта Жогорку Кеңеш Конституциялык соттун чечимдерин кайра кароого президентке укук берген мыйзам долбоорун биринчи окууда карап кабыл алды. 

Матроним чуусу, жарга такалган Консот

Жаңы окуу жылына чейин Бишкекте коомдук транспортту толук электрондук төлөмгө өткөрүү тууралуу мэриянын демилгеси толук ишке ашпай калды. 
Бишкекте айдоочулар ушу күндөрү жүргүнчүлөрдөн жол кирени мурдагыдай эле акчалай, электрондук жол аркылуу да чогултуп жатышат. 
Бирок мэрия Бишкектин коомдук-муниципалдык транспортунда жол 

"Тулпар" эмнеге Бишкекте жакшы жүгүрбөй жатат? 


TikTok тиркемесинин дүйнөдөгү колдонуучуларынын саны бир миллиарддан эбак эле ашкан. Бул платформа кеминде 150 өлкөдө иштейт.
Кээ бир өлкөлөр андан коркунучту көрүп, жаба баштады. Биринчи болуп Индияда жабылган. АКШнын армиясына аны колдонууга тыюу салынган. Өзбекстанда жеке маалыматтар жөнүндөгү мыйзамды бузгандардын кара тизмесине кирген, ага өзбек IP-адрестеринен кире алышпайт.
Эми Кыргызстан да аны жапкан жатат. Маданият министрлиги балдардын психикасына терс таасир тийгизет деп ага тыюу салган чечим чыгарды.

"Троя аты". TikTok'тон дүйнө эмнеге чочулап жатат? 

Ала-Арча жаратылыш коругунда эс алууга барып дайынсыз болуп жаткан адам менен анын сегиз жашар кызынын сөөгү  сайдагы суунун жээгинен табылды.  Кырсыктын себеби тактала элек. Бирок көпүрөдөн сууга кулап кеткен болушу мүмкүн деген божомолдор болууда. Андан мурда Аламүдүн капчыгайында жаш келин ымыркай баласы менен сууга түшүп кетип, каза болду. Бул кырсыктар тоо арасында эс алуунун коопсуздугу жөнүндө маселени талкуунун чордонуна чыгарды.

Кенебестиктин кесепети оор: капчыгайдагы кырсыктуу өлүмдөр

Ысык-Көлдүн Түп районуна караштуу айылдардын биринде зордуктоо тууралуу чуу түшүргөн окуя аныкталды. Алдын ала маалыматтарга караганда, зордуктоого кабылган эки кыз бир тууган эже-сиңдилер, дагы бирөө башка кыз.

Майыптыгы бар кыздарды зордуктап жүргөнбү? Түптөгү чуулу окуя

Кыргыз өкмөтү Жумгал районундагы Миң-Куш шаарчасындагы уран сакталган жайларды көчүрүү иштерин жарым жыл мурун баштаган. 
Бирок Туюк-Суу аймагына келгенде жергиликтүү элдин каршылыгына кабылып, иш токтоп калды. 

Уран калдыктары: Миң-Куштагы көчүрүү иштери токтоп калды

АКШнын бийликтери он жылдай мурун катар-катар болгон киши өлтүрүү кылмышын иликтөөдө чоң жылыш болгонун кабарлады. Кеп 2010-2011-жылдары Лон-Айленд аралындагы Гилго-Бич пляжында сөөгү табылган он бир кыз-келиндин өлүмү жөнүндө болуп жатат. Прокуратура көп жылдык иликтөөдөн кийин кылмышка эң негизги шектүү адам – 59 жаштагы нью-йорктук архитектор Рекс Хойерман кармалганын кабарлады.

Нью-Йоркто кыз-келиндерди кыйнап өлтүргөн кутурган кылмышкер 

Конституциялык сот жарандык активист Алтын Капалованын балдарына матроним берүү жөнүндө арызын карап, четке какты. Бирок аял-эркек теңчилиги үчүн эрезеге жеткен жарандарда тандоо мүмкүнчүлүгү болуш керек деп чечти. Эл ичиндеги консервативдүү катмар бул чечимди улуттук наркка бүлүк салган коркунуч катары карап, бул арызды баштаган активистке, аны караган Конституциялык сотко каршы курч билдирүүлөрдү жасоодо. Би-Би-Си Алтын Капалованын өзүн маекке тартып, чоң талаш-талкуунун чордонунда калган сот чечиминин чоо-жайын, анын максат-мүдөөсүн сурады. 

"Эркектер өлүп-тирилип кетейин деп жатат". Алтын Капалованын Би-Би-Сиге  маеги 

Патроним-матроним талкуусу кыргыздын кыргызча ысымы, кыргыз жаранынын тегин аныктоо формасы, аты-жөнүн жазуу иденттүүлүктүн маселеси экенин да бир ирет көрсөттү. Демек, зарылчылык эбак жаралып, калдайып маңдайыбызга турган соң, терең ойлонуп, чечип алуу кажет. 

Адам ысымы, аты-жөнү, теги – улуттук иденттүлүктүн маселеси

АКШнын Жогорку Соту университеттерге кабыл алууда расалык факторго караганга тыюу салды. Бул ондогон жылдардан бери келаткан практиканы токтотуп, америкалык жогорку билим берүүдө жаңы доордун башталышы болуп калмакчы деп кабарлады Bloomberg.

Гарвардка кабыл алууда расалык тандоого тыюу салынды

Кылмыштарды каттоо бюросунун маалыматы боюнча 2017-2022-жылдарда Индияда себи аз болуп калган үчүн эле 35 493 келин өлүмгө учураган, бул күнүнө орточо алганда жыйырмадан туура келет. 

"Себи жок деп мени далай жигит чанып кетти". Индиялык кыздын арманы

Бишкектин “Жал” кичи районунда жайгашкан Эне жана баланы коргоо улуттук борборунда балдарын алып келген ата-энелердин кезеги түнкү саат үчтөн башталат. Антпесе кезек жетпей, ал күнү балдары медициналык кароодон өтпөй калышы мүмкүн. Ата-энелерди бушайманга салган ооруканадагы кезек көйгөйүн кабарчылар барып көрүп келди. 

"Жалдагы" ооруканада жарым түндө кезек күткөндөр 

Эркин журналист Ыдырыс Исаковго “Пансионат Ош” мекемесинин мурдагы директору Маматкарим Койчукулов кол көтөргөнүнө бийлик тараптан реакция боло элек. 

"Нервный болуп калгам". Журналистке кол көтөргөн ишкердин жазасы кандай болот? 

Соттолгон адамдарды шарттуу түрдө мөөнөтүнөн мурда бошотуп жатканда судьялар олчойгон пара алып жатканы жөнүндө депутаттын билдирүүсү сот тармагындагы көп жылдан бери келаткан көйгөйдү кайра козгоду.  Аламүдүн райондук сотунун басма сөз кызматы актанып жооп кайтарды. Эл өкүлүнүн айтымында, соттордогу коррупцияны депутаттык комиссия түзүп иликтебесе болбойт.  

"Ууру тойгончо жеп...". Соттордун ставкасы жана актануусу

YouTube порталында 25 миллиондон ашуун катталуучусу бар D Billions тобу Балдарды коргоонун эл аралык күнүнө карата биринчи жолу калың элдин алдында концерт берип жатат.

D Billions: Дүңгүрөгөн дүйнөлүк бренд кантип башталган?

3-февралда Кыргызстандын борборунда даңазалуу кыргыз ишкери жана демократ коомдук ишмери Таабалды Эгембердиев (1950–2015) тууралуу жаңы кош китептин бет ачары жана эскерүү чаралары өткөнү турат.

Таабалды Эгембердиев жана КДК: Жеке демилгенин зор өрнөгү

Сокулук районунда жер маселеси кабыргасынан турган учур. Турак жай курууга жерлер трансформацияланат дегенден тарта бул район ушул маселенин чордонунда турат. Себеби, республика боюнча арыз менен эң көп кайрылуу дагы ушул районго туура келет. Негизинен эл оозунда Ак-Ордо 2, Ак-Ордо 3 деп таанылган жаңы конуштар тууралуу сөз жүрүп жатат.

Сокулукта кимдин жери экенин билбей туруп деле менин жерим деп саткандар болуптур... Жер адисинин маеги

Жакында эле Бишкектин Ак-Өргө жаңы конушунда ата-энесине таарынып, өз жанын кыям деп коркутуп жаткан өспүрүмдү милиция кызматкерлери жана психологдор өз учурунда жардамга келип, баланы сактап калышты. 
Окуянын видеосу коомдук сайттарда таркап, азыркы ата-энелердин бала тарбиялоодогу кыйынчылыктары тууралуу теманы кайрадан күн тартибине чыгарды. 

Б﻿акырып балаңызды тарбиялай албайсыз

“Айыл Банк” ачык акционердик коому жыл башынан бери 4,5-6%  менен 13 миң дыйканга жеңилдетилген насыя таратканын жар салды. Жакында эле Эсеп палатасы былтыр аталган банк  дыйкандарга делген арзан насыяны ири бизнес ишканаларга бергенин аныктаган. 

Арзан кредит: насыя даректүү берилип жатабы?

Шведдик эко-активист Грета Тунбергдин Англиядагы университетке коюлган жалпы баасы 24 миң фунт турган эстелиги коомчулукта талаш-талкууну жана нааразылыкты жаратты.

Коом