Eucharia Anunobi ekwuola nke bụ eziokwu gbasara akụkọ agbamakwụkwọ ya na-ewu ugbua.

Eucharia Anunobi bụ onye agwa ya n'ejije Nollywood na-amasị ọtụtụ dịka ọ na-eme ihe pụrụịche

Ebe foto si, Eucharia Anunobi/Instagram

Oge e ji agụ akụkọ nkeji 2

Akụkọ na-efegharị na soshal midia na nsonso a bụ na onye ejije Nollywood a ma ama bụ Eucharia Anuobi na-akwado agbamakwụwkọ ya.

Dịka a akụkọ a siri kwuo, ya bụ agbamakwụkwọ kwesiri ịdị n'etiti ya na otu nwaokorobịa gbara afọ 27 nke a sị aha ya bụ Lucky Oparah.

Ya bụ akụkọ kwukwara na agbamakwụkwọ ahụ ga-adị n'ụbọchị 30 nke ọnwa Jun afọ 2022.

Aha onyonyo, Mkparịtaụka BBC Igbo na Chioma Akpotha

Mana nwaada Anunobi gwara BBC na akụkọ a na-efegharị bụ akụkọ ụgha.

"Ọ bụrụ na m na-akwado ịme agbamakwụkwọ, unu gara anụ maka ya kemgbe," Anunobi, onye bụkwa ọkammụta na onye oziọma ụka Kraist, gwara BBC.

"Ihe a bụ atụmatụ ndị ọjọọ chọrọ ịmetọ aha m dịka onye na-eme ejije nakwa onye nọ n'isi ụka Kraịst"

Anunobi gara n'ihu kọwaa na ọlụbeghị di ma kwuo na aha ọ na-aza ugbua bụ aha nna ya.

Na mkparịtaụka ya na BBC Igbo nwere n'afọ 2020, o tinyere ọnụ n'okwu alụmdinanwunye ma kwuo ka ndị mmadụ hie asaa n'anya tupu ha abanye na ya bụ ihe.

Skip Akachasị Gụọ and continue reading
Akachasị Gụọ

End of Akachasị Gụọ

O kwuru nke a maka ọnọdụ ahụike dulara nwa ya mmụọ bụ 'Sickle Cell Anaemia' na etu ya na nna nwa ahụ gara isi gbochie ọnọdụ a ma ọ bụrụ na ha leziri anya nke ọma tupu a mmụọ ya bụ nwa.

Nwaada Anunobi na-eji soshal midia agbasa ozi ụka Kraịsti dịka ọ bụ onye ozi okpukperechi a.

Ebe foto si, Alamy

Ihe ị kwesiri ịma maka Eucharia Anunobi

  • Eucharia Anunobi bụ onye ejije Nollywood a ma ama.
  • Ọ gbara afọ 47, dịka a mụrụ ya n'ụbọchị 25 nke ọnwa Mee, 1965.
  • Nwaada Anunobi na-emepụtakwa ejije ma bụrụkwa onye ozi ụka Kraịst.
  • Ọ bụ onye Ahịazụ, Mbaise, Imo steeti ma gụọ akwụkwọ na mahadum Institute of Management and Technology nke Enugwu nakwa mahadum Naịjirịa nke Nsukka.
  • Ọ natara ọzụzụ na ngalaba mgbasaozi nakwa asụsụ Bekee bụ English Language.
  • Ọha matara ya n'oge gara aga maka agwa ọ kpara n'ejije ochie bụ 'Abuja Connection', 'Letters to a Stranger' nakwa 'Glamour girls'.
  • Ọnọdụ ahụike nke ọbara bụ 'Sickle Cell Anaemia' dulara nwa ya nwoke Raymond mmụọ n'afọ 2017.
  • N'afọ 2020, a họpụtara ya na ndị ga-erite ihe nrite nke onye enyemaka kacha mma n'ejije (Best supporting Actress in a movie or TV Series) n'emume ndị ejije Nollywood bụ AMVCA.