Australia: Masu zanga-zanga sun cinna wa tsohon ginin majalisa wuta a Canberra
Asalin hoton, EPA
An cinna wa tsohon ginin majalisar kasar Ostreliya da ke babban birnin kasar Canberra wuta na dan wani lokaci jiya Alhamis yayin wata zanga-zanga, inji kungiyar 'yan asalin yankin masu fafutukar neman 'yancin kai.
Babu wanda ya sami rauni a sanadin gobarar wadda ta kama kofofin shiga tsohon ginin kafin aka kashe ta.
Matakin ya biyo bayan makonni biyun da aka shafe ana rikici a birnin a cewar 'yan sandan kasar.
Firaminista Scott Morrisson ya yi tir da tashin hankalin, yana cewa: "Ba haka Ostreliya ta ke ba."
"Wannan abin takaicin ya ba ni haushi wanda ya una yadda 'yan wannan kasar na cinna wa irin wannan alamar demokradiyya wuta."
An dai kwashe dukkan ma'aikatan da ke aiki a cikin ginin.
A yanzu ana amfani da ginin a matsayin gidan tarihi mai suna Museum of Australian Democracy.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
A 1988 majalisar kasar Ostreliya ta koma wani sabon gini kusa da wannan a Capitol Hill, daga nana sai aka mayar da tsohon ginin ya zama gidan tarihi.
Asalin hoton, EPA
'Yan sandan yankin babban birnin kasar Ostreliya, ACT sun kaddamar da bincike kan umul-aba'isin gobarar.
