'Ba na son aure saboda haihuwa'

Mahaifiyar Chen ta nuna mata wuraren shagulgulan biki fiye da 20. "Wasu daga ciki ma ba su da inganci", kamar yadda ta bayyana.

Dalilin hakan shi ne sharaɗin da ta gindaya, wanda mafiya yawan mazan da suka zo neman auren ta suka ƙi amincewa da shi.

Sharaɗin da Chen ta gindaya shi ne ba ta son 'ya'ya. Chen - mai shekara 20 - ta ce "ba na sha'awar haihuwar yara, saboda ba na son 'ya'ya, to amma kuma abu ne mai wahala ka samu mijin da ba ya son haihuwa".

Ga namiji, rashin haihuwa, tamkar kashe kansa ne. Bayan duka samarinta sun ƙi amincewa da sharaɗinta, ta ci gaba da samun matsin lamba kan aure. Iyayen Chen na son ta yi aure domin ta samu 'ya'ya.

Raguwar alƙaluman adadin gidaje a China

A yayin da alƙaluman haihuwa suka ragu sakamakon raguwar aure a China, jam'iyyar Kwamunisanci na ƙarfafa wa miliyoyin matasan ƙasar maza da mata gwiwa kan yin aure domin su hayayyafa.

A shekarar da ta gabata, Adadin al'ummar China ya ragu a karon farko cikin shekara 60, kuma yawan haihuwarsu ya yi matuƙar raguwa.

Tun shekarar 1986, kuɗin da ake karɓa don yin rajistar aure bai sauya ba, inda ake karɓar lakh 70 da dubu 83.

Lamarin da ya sa masu ƙaramin ƙarfi da matasan da ba su da sana'a suka riƙa mayar da hankulansu kan zaɓin da iyayensu suka yi musu.

Domin haka matsalar ta ƙaru wa jam'iyyar. Hakan ya sanya kiran da shugaba Xi Jinping ke yi ba ya samun nasara.

Yunƙurin Gwamnati na ƙarfafa aure

Sannu a hankali a yanzu wannan batu ya kai kunnen shugaban ƙasar Xi Jinping.

A baya-bayan nan ya yi jawabi, a kai, inda ya ce akwai buƙatar samar da sabuwar al'adar aure da samun haihuwa.

Haka kuma, ya yi kira da a riƙa taimaka wa matasa don su rungumi ɗabi'ar son yin aure da samun 'ya'ya da zuri’a.

Hukumomin China na ƙoƙari ta wannan fanni. Jami'an gwamnati sun yi ta ƙarfafa wa matasan ƙasar gwiwa domin su yi aure su kuma haihu.

A farkon wannan shekara, wani ƙaramin birni a gabashin lardin Zhejiang ya ayyana wani albishir na bai wa ma'aurata kudi, yuan 1,000 a matsayin lada idan amaryar ba ta wuce shekara 25 ba.

Wannan batu ya fusata mazauna ƙasar. Mutane na cewa ta yaya gwamnati take tunanin sauya wa mutane mataki ta hanyar biyan 'yan wasu kuɗaɗe.

A ɗaya ɓangaren kuma, hukumomi sun kafe cewa a rage karɓar koken mutanen da ke son a raba aurensu.

Matakin da hukumomin suka ɗauka ya haifar da fargabar cewa hakan zai shafi zaɓin mutane tare da cutar da matan da suka zarta waɗannan shekaru, lamarin da ka iya sanya wa a riƙa samun ƙarin rigingimu a gidajen aure.

Mafiya yawan mazan da ba su da aure a yankunan karkara na faɗi-tashin samun matan da za su aura. Hukumomi a can sun buƙaci a daina karɓar maƙudan kuɗi idan aka je neman aure.

Fargabar masana tattalin arziki

Ƙwararriya kan tattalin arziki, Li Jingkui ta ce biyan wasu 'yan kuɗaɗe ba zai sa mutane su yi aure ba. Suna masu cewa maza za su ci gaba da neman aure koda kuwa ba za su biya kuɗin neman aure masu yawa ba.

Kamar yadda gida da mota da sauran abubuwa suka ƙara wahala.

Masana sun ce jagorancin ƙasar China da maza suka mamaye, bai fahimci dalilin zaɓar matasa, musamman mata.

An kwashe gomman shekaru maza ne kawai ke zama duka mambobin kwamitin 'Politburo' , kwamiti mai ƙarfi da ke ɗaukar matakai kan aure.

Shugabancin jam'iyyar ma kusan haka yake, domin kuwa daga cikin kujeru 20 na shugabancin jam'iyyar, kujera ɗaya ce kawai mace ta riƙe a kusan shekara 20.

Inda a watan Okotban shekarar da ta gabata, ita ma kujerar ta kuɓuce wa matan.

Soyayya na yin wahala

Masana na cewa marasa aure a China sun ƙunshi ɓangarori biyu, na farko shi ne matan birane, ɗayan kuma shi ne mazan karkara. Matasan karkara na faɗi-tashin samun kuɗi.

Ciki har da tsadar neman aure da wahalar samun sana'o'i domin tallafa wa iyali.

Wannan na ƙarfafa wa matan karkara gwiwa kuma suna ɗaukar dogon lokaci wajen zaɓar wanda za su aura.

"Idan na je gida China hutun sabuwar shekara, nakan ji kaina tamkar matar da ta je kasuwar aure a yankin karkara," in ji Cathy Tian, mai shekara 28, da ke aiki a Shanghai.

Ta ce a lardin Anhui inda mata ke aure a shekara 22, ana ɗaukar ta a matsayin wadda ta tsufa.

Ta ce, "Bana buƙatar sayen komai, sai dai shi mijin ya biya mana gida, ya sayi mota, ya ɗauki nauyin bikin a masa bangaren da kuma na amaryar".

"Na ɗauka a yanzu ne nake kan ganiyar aure, a ɗaya ɓangaren, matan birane na cewa akwai bambanci tsakanin yadda suke kallon aure da yadda sauran al'umomi ke kallon sa".

Don haka ratar da ke tsakanin wadannan ɓangarori tana da faɗi. Chen ta ce "Babu abin da nake fargaba, amma ina ji wa wasu." Akwai bambanci tsakanin lokacin zama iyaye da wannan lokaci, in ji ta.

A wannan lokaci rayuwa cike take ta ƙaluble, kuma soyayya aba ce mai wahalar gaske. A yanzu mata na da zaɓi mai yawa. "A ganinmu yanzu shi ne bai kamata a haifi yara ba," in ji ta.

Nauyin iyaye

Yayin da iyaye mata a China ke cewa su ƙuduri aniyar riƙe yaransu tamkar marayu.

Hakan na nufin iyaye maza ba sa sauke nauyin da ke kansu a matsayinsu na iyaye don taimakawa a raini 'ya'yansu. "Maza da yawa da na sani, sun ɗauka nauyin da ke kansu shi ne su nemo kuɗi,' In ji wata ƙwararriya tattara alƙaluma, mai shekara 33 da ta buƙaci a sakaya sunanta.