Dabarun yin azumi a lokacin zafi

Hukumar lura da yanayi ta Najeriya - Nimet ta fitar da rahoton gargaɗi kan tsananin zafin rana da za a fuskanta a wasu jihohin ƙasar.

A cikin wata sanarwa da ta fitar ranar Litinin, Nimet ta ce za a samu ƙarin yanayin zafi na tsawon kwanaki uku zuwa huɗu, lamarin da zai iya jefa al'ummar jihohin cikin matsi.

Hakan na zuwa ne yayin da al'ummar Musulmi a ƙasashen duniya ke gudanar da azumin watan Ramadana, inda sukan ƙaurace wa ci da sha daga asuba har zuwa faɗuwar rana.

Wannan na nufin masu azumi ba za su iya shan ruwa ko wani abu da zai taimaka musu wajen kashe ƙishi ko yunwa ba.

To sai dai akwai shawarwari kan dabarun da mai azumi zai iya amfani da su domin rage hatsarin da zai iya faɗawa ciki sanadiyyar zafin yanayi.

Jihohin da yanayin zafin zai fi shafa a Najeriya su ne na arewa ta tsakiya da kuma na kudu maso gabashin ƙasar:

Kebbi, Neja, Kwara, Oyo, Kogi, Nassarawa, Benue, Enugu, Anambra, Abia, Ebonyi, Cross River da Abuja.

Sauran jihohin da ke cikin haɗarin yanayin na zafi kuma su ne:

Taraba, Adamawa, Filato, Kaduna, Zamfara da Sokoto.

Illar yanayin zafi ga lafiya

Bayanin na Hukumar kula da yanayi na Najeriya ya nuna cewa illolin da mutane za su iya fuskanta sanadiyyar yanayin zafin su ne:

Dabarun kare kai

Masana sun bayar da shawarwari kan yadda mutum zai kare kansa daga illolin da zafin rana ke haifarwa.