ஸ்மிருதி மந்தனா தனது வாழ்க்கை பற்றிக் கூறியது என்ன?

இந்திய பெண்கள் கிரிக்கெட் அணியின் துணை கேப்டன் ஸ்மிருதி மந்தனா, "கிரிக்கெட்டைவிட நான் அதிகம் நேசிப்பது வேறு எதுவுமில்லை" என்று கூறியுள்ளார்.

புதன்கிழமை டெல்லியில் நடைபெற்ற ஒரு நிகழ்வில் ஸ்மிருதி பேசியபோது, "இந்திய ஜெர்சியை அணிந்து மைதானத்தில் இறங்கும்போது, நாட்டிற்காக விளையாடி போட்டியில் வெற்றி பெறுவதைத் தவிர வேறு எந்த எண்ணமும் மனதில் இருக்காது" என்றார்.

ஸ்மிருதி மந்தனா அவரது தனிப்பட்ட வாழ்க்கை தொடர்பான விஷயங்களால் சமீப காலமாக செய்திகளில் இடம் பிடித்து வருகிறார்.

பாடகர் பலாஷ் முச்சலுடன் நடைபெறவிருந்த திருமணம் நிறுத்தப்பட்டு விட்டதாக அவர் கடந்த ஞாயிற்றுக்கிழமை (டிசம்பர் 7) அறிவித்தார்.

- இது, பிபிசிக்காக கலெக்டிவ் நியூஸ்ரூம் வெளியீடு