ਆਈਫੋਨ 15: ਐੱਪਲ ਦੇ ਨਵੇਂ ਆਈਓਐੱਸ 17 ਵਿੱਚ ਇਹ ਖ਼ਾਸ ਫੀਚਰ ਹੋਣਗੇ
ਤਸਵੀਰ ਸਰੋਤ, Getty Images
ਭਾਰਤ ਸਮੇਤ ਦੁਨੀਆਂ ਭਰ ਵਿੱਚ ਆਈਫ਼ੋਨ ਦੇ ਦੀਵਾਨਿਆਂ ਦੀ ਕੋਈ ਕਮੀ ਨਹੀਂ ਹੈ। ਉਪਭੋਗਤਾਵਾਂ ਨੂੰ ਕੰਪਨੀ ਵੱਲੋਂ ਹਰ ਨਵੇਂ ਲਾਂਚ ਦਾ ਇੰਤਜ਼ਾਰ ਰਹਿੰਦਾ ਹੈ।
ਐਪਲ ਅੱਜ ਆਈਫ਼ੋਨ 15 ਲਾਂਚ ਕਰਨ ਜਾ ਰਿਹਾ ਹੈ। ਇਸ ਦੇ ਲਈ ਇੱਕ ਇਵੈਂਟ ਦਾ ਆਯੋਜਨ ਕੀਤਾ ਗਿਆ ਹੈ ਜਿਸ ਵਿੱਚ ਇਸ ਨਵੇਂ ਫੋਨ ਬਾਰੇ ਜਾਣਕਾਰੀ ਦਿੱਤੀ ਜਾਵੇਗੀ।
ਤਸਵੀਰ ਸਰੋਤ, Getty Images
ਇਸ ਦੇ ਨਾਲ ਹੀ ਨਵਾਂ ਆਈਓਐੱਸ 17 ਵੀ ਲਾਂਚ ਹੋ ਰਿਹਾ ਹੈ। ਇਸ ਆਈਓਐੱਸ ਦੇ ਖ਼ਾਸ ਫੀਚਰ ਐਪਲ ਦੀ ਸਾਈਟ ਉੱਤੇ ਦੱਸੇ ਗਏ ਹਨ। ਆਈਓਐੱਸ ਉਹ ਸਾਫਟਵੇਅਰ ਹੈ ਜਿਸ ਉੱਤੇ ਐਪਲ ਦੇ ਡਿਵਾਈਸ ਕੰਮ ਕਰਦੇ ਹਨ।
ਆਓ ਜਾਣਦੇ ਹਾਂ ਇਨ੍ਹਾਂ ਫੀਚਰਸ ਬਾਰੇ:
ਤਸਵੀਰ ਸਰੋਤ, Getty Images
ਆਈਓਐੱਸ-17 ਦੇ ਖ਼ਾਸ ਫੀਚਰ
- ਇਸ ਵਿੱਚ ਪਲੱਸ ਦਾ ਇੱਕ ਨਵਾਂ ਬਟਨ ਹੋਵੇਗਾ, ਜਿਸ 'ਤੇ ਟੈਪ ਕਰਕੇ ਤੁਸੀਂ ਉਹ ਸਾਰੀਆਂ ਚੀਜ਼ਾਂ ਜਾਂ ਸਮੱਗਰੀ ਵੇਖ ਸਕੋਗੇ ਜੋ ਤੁਸੀਂ ਸਭ ਤੋਂ ਜ਼ਿਆਦਾ ਸੰਦੇਸ਼ ਰਾਹੀਂ ਭੇਜਦੇ ਹੋ, ਜਿਵੇਂ ਕਿ ਤਸਵੀਰਾਂ, ਵੀਡੀਓ, ਆਡੀਓ ਮੈਸੇਜ ਆਦਿ।
- ਕੰਪਨੀ ਮੁਤਾਬਕ, ਆਪਰੇਟਿੰਗ ਸਿਸਟਮ ਤੁਹਾਨੂੰ ਆਟੋਮੈਟਿਕ ਚੈਕਇਨ ਦੀ ਵੀ ਸੁਵਿਧਾ ਦੇਵੇਗਾ। ਜਿਸ ਦਾ ਮਤਲਬ ਹੈ ਕਿ ਕਿਸੇ ਥਾਂ 'ਤੇ ਪਹੁੰਚਣ ਤੋਂ ਬਾਅਦ ਸਿਸਟਮ ਆਪਣੇ-ਆਪ ਤੁਹਾਡੇ ਪਰਿਵਾਰਿਕ ਮੈਂਬਰ ਜਾਂ ਦੋਸਤ ਨੂੰ ਤੁਹਾਡੇ ਸੁਰੱਖਿਅਤ ਪਹੁੰਚਣ ਦੀ ਸੂਚਨਾ ਦੇ ਦੇਵੇਗਾ।
- ਸੰਦੇਸ਼/ਮੈਸੇਜ ਨਾਲ ਜੁੜਿਆ ਇੱਕ ਨਵਾਂ ਫ਼ੀਚਰ ਹੈ - ਕੈਚ-ਅਪ ਐਰੋ। ਇਸ ਦੇ ਇਸਤੇਮਾਲ ਨਾਲ ਤੁਸੀਂ ਚੈਟ ਵਿੱਚ ਸਿੱਧਾ ਉਸ ਮੈਸੇਜ 'ਤੇ ਪਹੁੰਚ ਜਾਓਗੇ ਜੋ ਕਿਸੇ ਵਿਅਕਤੀ ਨੇ ਤੁਹਾਨੂੰ ਸਭ ਤੋਂ ਪਹਿਲਾਂ ਭੇਜਿਆ ਹੈ। ਫਿਰ ਉਸ ਸ਼ੁਰੂਆਤੀ ਮੈਸੇਜ ਦੇ ਹਿਸਾਬ ਨਾਲ ਤੁਸੀਂ ਆਪਣਾ ਜਵਾਬ ਭੇਜ ਸਕਦੇ ਹੋ।
ਤਸਵੀਰ ਸਰੋਤ, Getty Images
- ਇਸੇ ਤਰ੍ਹਾਂ ਮੈਸੇਜ ਵਿੱਚ ਕੋਈ ਵਿਸ਼ੇਸ਼ ਮੈਸੇਜ ਲੱਭਣ ਲਈ ਸਰਚ ਫ਼ਿਲਟਰ ਦਾ ਇਸਤੇਮਾਲ ਕੀਤਾ ਜਾ ਸਕਦਾ ਹੈ।
- ਵੈਬਸਾਈਟ ਮੁਤਾਬਕ, ਲੋਕੇਸ਼ਨ ਭੇਜਣ ਅਤੇ ਪ੍ਰਾਪਤ ਕਰਨ ਦੇ ਤਰੀਕੇ ਨੂੰ ਵੀ ਹੋਰ ਸੌਖਾ ਬਣਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਜਦੋਂ ਕੋਈ ਤੁਹਾਡੇ ਨਾਲ ਆਪਣੀ ਲੋਕੇਸ਼ਨ ਸਾਂਝਾ ਕਰੇਗਾ ਤਾਂ ਤੁਸੀਂ ਉਸ ਨੂੰ ਚੈਟ ਵਿੱਚ ਹੀ ਦੇਖ ਸਕਦੇ ਹੋ।
- ਇੱਕ ਹੋਰ ਖ਼ਾਸ ਫ਼ੀਚਰ ਇਹ ਹੈ ਕਿ ਤੁਸੀਂ ਹੁਣ ਆਡੀਓ ਮੈਸੇਜ ਨੂੰ ਪੜ੍ਹ ਵੀ ਸਕੋਗੇ। ਇਹ ਅਜਿਹੇ ਸਮੇਂ ਕੰਮ ਆਵੇਗਾ ਜਦੋਂ ਤੁਸੀਂ ਮੈਸੇਜ ਸਭ ਦੇ ਸਾਹਮਣੇ ਨਹੀਂ ਸੁਣਨਾ ਚਾਹੁੰਦੇ ਜਾਂ ਨਹੀਂ ਸੁਨ ਸਕਦੇ ਅਤੇ ਤੁਹਾਡੇ ਕੋਲ ਈਅਰਫੋਨ ਵੀ ਨਾ ਹੋਣ।
- ਹੁਣ ਤੁਸੀਂ ਆਪਣੀਆਂ ਤਸਵੀਰਾਂ ਦੀ ਮਦਦ ਨਾਲ ਆਪਣੇ ਲਈ ਲਾਈਵ ਸਟਿੱਕਰ ਬਣਾ ਸਕਦੇ ਹੋ ਅਤੇ ਸਾਰੇ ਸਟਿਕਰਾਂ ਨੂੰ ਸਟਿੱਕਰ ਡਰਾਰ ਵਿੱਚ ਰੱਖ ਸਕਦੇ ਹੋ।
ਤਸਵੀਰ ਸਰੋਤ, apple.com
- ਜੇਕਰ ਕੋਈ ਵਿਅਕਤੀ ਕਿਸੇ ਕਾਰਨ ਤੁਹਾਡੀ ਫੇਸਟਾਈਮ ਕਾਲ ਨਾ ਚੁੱਕ ਸਕੇ ਤਾਂ ਤੁਸੀਂ ਉਨ੍ਹਾਂ ਲਈ ਆਪਣਾ ਵੀਡੀਓ ਜਾਂ ਆਡੀਓ ਰਿਕਾਰਡ ਕਰਕੇ ਵੀ ਭੇਜ ਸਕਦੇ ਹੋ।
- ਜੇਕਰ ਤੁਸੀਂ ਕਿਸੇ ਵੀਡੀਓ ਰਿਕਾਰਡ ਆਦਿ ਦੇ ਦੌਰਾਨ ਆਪਣੇ ਹੱਥਾਂ ਨਾਲ ਕੁਝ ਖਾਸ ਇਸ਼ਾਰੇ ਕਰਦੇ ਹੋ ਤਾਂ ਤੁਹਾਡੀ ਬੈਕਗਰਾਉਂਡ ਸਕਰੀਨ 'ਤੇ ਕੁਝ ਖਾਸ ਥ੍ਰੀਡੀ ਇਫੈਕਟ ਨਜ਼ਰ ਆਉਣਗੇ।
- ਏਅਰ ਡਰਾਪ ਦੇ ਨਵੇਂ ਫ਼ੀਚਰ ਨਾਲ ਤੁਸੀਂ ਮਹਿਜ਼ ਕਿਸੇ ਦੂਜੇ ਆਈਫੋਨ ਜਾਂ ਐਪਲ ਵਾਚ ਕੋਲ ਆਪਣਾ ਡਿਵਾਈਸ ਲੈ ਜਾ ਕੇ ਅਤੇ ਈਮੇਲ ਜਾਂ ਮੋਬਾਈਲ ਨੰਬਰ ਚੁਣ ਕੇ ਸਮੱਗਰੀ ਨੂੰ ਏਅਰ ਡਰਾਪ ਕਰ ਸਕਦੇ ਹੋ।
- ਇਸ ਦੇ ਨਾਲ ਹੀ ਹੁਣ ਸੰਵੇਦਨਸ਼ੀਲ ਸਮੱਗਰੀ ਨੂੰ ਲੈ ਕੇ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਨਾਲ ਹੀ ਤੁਸੀਂ ਕਿਸੇ ਸੰਵੇਧਨਸ਼ੀਲ ਮੈਸੇਜ, ਫੋਟੋ ਜਾਂ ਵੀਡੀਓ ਆਦਿ ਨੂੰ ਬਲਰ ਕਰ ਸਕਦੇ ਹੋ।
ਚਾਰਜਰ ਵਿੱਚ ਬਦਲਾਅ
ਬੀਬੀਸੀ ਦੇ ਟੈਕਨੋਲੋਜੀ ਐਡੀਟਰ ਜ਼ੋਏ ਕਲੇਨਮੈਨ ਦੀ ਰਿਪੋਰਟ ਮੁਤਾਬਕ, ਇਸ ਵਾਰ ਆਈਫ਼ੋਨ ਦੇ ਚਾਰਜਿੰਗ ਕੇਬਲ ਵਿੱਚ ਬਦਲਾਅ ਦੇਖਣ ਨੂੰ ਮਿਲੇਗਾ।
ਇਸ ਵਾਰ ਆਈਫੋਨ ਦਾ ਚਾਰਜਰ USB-C (ਕੇਬਲ) ਵਾਲਾ ਹੋਵੇਗਾ।
ਵਰਤਮਾਨ ਵਿੱਚ ਆਈਫੋਨ ਦਾ ਚਾਰਜਰ ਲਾਈਟਨਿੰਗ ਕੇਬਲ ਵਾਲਾ ਹੁੰਦਾ ਹੈ, ਜਦਕਿ ਬਜ਼ਾਰ 'ਚ ਮੌਜੂਦ ਜ਼ਿਆਦਾਤਰ ਹੋਰ ਡਿਵਾਈਸਾਂ - ਜਿਨ੍ਹਾਂ ਵਿੱਚ ਕੁਝ ਐਪਲ ਦੇ ਵੀ ਹਨ, USB-C ਦੀ ਵਰਤੋਂ ਕਰਦੇ ਹਨ।
ਦੋਵੇਂ ਪ੍ਰਕਾਰ ਦੇ ਕੇਬਲ 'ਚ ਫਰਕ ਇਹ ਹੈ ਕਿ ਦੋਵੇਂ ਵੱਖ-ਵੱਖ ਆਕਾਰ ਹਨ।
ਦੱਸ ਦੇਈਏ ਕਿ ਯੂਰੋਪੀਅਨ ਸੰਘ ਦੇ ਇੱਕ ਕਾਨੂੰਨ ਮੁਤਾਬਕ, ਮੋਬਾਈਲ ਨਿਰਮਾਤਾ ਕੰਪਨੀਆਂ ਨੂੰ ਕਿਹਾ ਗਿਆ ਹੈ ਕਿ ਦਸੰਬਰ 2024 ਤੱਕ ਸਾਰੀਆਂ ਪੋਰਟੇਬਲ ਡਿਵਾਈਸਾਂ ਲਈ ਇੱਕੋਂ ਤਰ੍ਹਾਂ ਦੇ ਚਾਰਜਰ (ਕੇਬਲ) ਦਾ ਇਸਤੇਮਾਲ ਹੋਣਾ ਚਾਹੀਦਾ ਹੈ।
ਇਸ ਦਾ ਮੁੱਖ ਉਦੇਸ਼ ਉਪਭੋਗਤਾਵਾਂ ਦੇ ਪੈਸੇ ਬਚਾਉਣਾ ਹੈ।
ਆਈਫ਼ੋਨ ਬੀਤੇ ਸਮੇਂ ਵਿੱਚ ਕਿੰਨਾ ਬਦਲਿਆ
ਤਸਵੀਰ ਸਰੋਤ, Getty Images
ਬਿਹਤਰ ਫੇਸਟਾਈਮ ਕਾਲਾਂ
ਕੰਪਨੀ ਦਾ ਦਾਅਵਾ ਹੈ ਕਿ ਫੇਸਟਾਈਮ ਕਾਲਾਂ ਵਧੇਰੇ ਕੁਦਤਰੀ ਅਹਿਸਾਸ ਵਾਲੀਆਂ ਹੁੰਦੀਆਂ ਹਨ ਅਤੇ ਉਪਭੋਗਤਾ ਨੂੰ ਗਰੁੱਪ ਕਾਲ 'ਤੇ ਮੌਜੂਦ ਵਿਅਕਤੀ ਦੀ ਆਵਾਜ਼ ਉਸੇ ਦਿਸ਼ਾ/ਸਥਿਤੀ ਤੋਂ ਆਉਂਦੀ ਪ੍ਰਤੀਤ ਹੁਂਦੀ ਹੈ, ਜਿਸ 'ਚ ਉਹ ਵਿਅਕਤੀ ਸਕਰੀਨ 'ਤੇ ਸਥਿਤ ਹੈ।
ਆਈਓਐੱਸ ਦੇ ਬੀਤੇ ਵਰਜ਼ਨ ਵਿੱਚ ਅਜਿਹੀ ਸਹੂਲਤ ਪਹਿਲਾਂ ਹੀ ਵਧਾਈ ਜਾ ਚੁੱਕੀ ਹੈ ਜਿਸ ਵਿੱਚ ਫੇਸਟਾਈਮ ਕਾਲਾਂ ਹੁਣ ਐਪਲ ਡਿਵਾਈਸਾਂ ਤੋਂ ਇਲਾਵਾ ਨਾਨ ਐਪਲ ਡਿਵਾਇਸਾਂ 'ਤੇ ਵੀ ਕੀਤੀਆਂ ਜਾ ਸਕਦੀਆਂ। ਇਸ ਤੋਂ ਪਹਿਲਾਂ ਇਹ ਐਪਲ ਟੂ ਐਪਲ ਹੀ ਸੰਭਵ ਸੀ।
ਮਤਲਬ, ਕਿਸੇ ਫੇਸਟਾਈਮ ਕਾਲ 'ਤੇ ਐਂਡਰਾਇਡ ਜਾਂ ਵਿੰਡੋਜ਼ ਡਿਵਾਈਸ ਦੀ ਵਰਤੋਂ ਕਰਨ ਵਾਲੇ ਲੋਕ ਵੀ ਆਪਣੇ ਵੈਬ ਬ੍ਰਾਊਜ਼ਰ ਤੋਂ ਸ਼ਾਮਲ ਹੋ ਸਕਦੇ ਹਨ।
ਵੈੱਬ 'ਤੇ ਫੇਸਟਾਈਮ ਕਾਲਾਂ ਐਂਡ-ਟੂ-ਐਂਡ ਐਨਕ੍ਰਿਪਟਡ ਰਹਿੰਦੀਆਂ ਹਨ ਤਾਂ ਜੋ ਨਿੱਜਤਾ ਨਾਲ ਕਿਸੇ ਤਰ੍ਹਾਂ ਦਾ ਸਮਝੌਤਾ ਨਾ ਹੋਵੇ।
ਸ਼ੇਅਰਡ ਵਿਦ ਯੂ
ਤਸਵੀਰ ਸਰੋਤ, apple.com
ਸ਼ੇਅਰਡ ਵਿਦ ਯੂ ਇੱਕ ਨਵਾਂ ਸੈਕਸ਼ਨ ਹੈ ਜੋ ਫੋਟੋਆਂ, ਸਫਾਰੀ, ਐਪਲ ਨਿਊਜ਼, ਸੰਗੀਤ, ਐਪਲ ਪੋਡਕਾਸਟ ਅਤੇ ਐਪਲ ਟੀਵੀ ਐਪ ਵਿੱਚ ਦਿਖਾਈ ਦਿੰਦਾ ਹੈ ਜੋ ਸੁਨੇਹੇ ਵਿੱਚ ਦੋਸਤਾਂ ਅਤੇ ਪਰਿਵਾਰ ਦੁਆਰਾ ਸਾਂਝੀਆਂ ਕੀਤੀਆਂ ਫੋਟੋਆਂ, ਲੇਖ, ਸੰਗੀਤ ਅਤੇ ਹੋਰ ਸਮੱਗਰੀ ਨੂੰ ਦਿਖਾਉਂਦਾ ਹੈ।
ਇਹ ਸੈਕਸ਼ਨ ਦਿਖਾਏਗਾ ਕਿ ਸਮੱਗਰੀ ਕਿਸਨੇ ਭੇਜੀ ਹੈ, ਇਸ ਦੇ ਨਾਲ ਗੱਲਬਾਤ ਨੂੰ ਮੁੜ ਸ਼ੁਰੂ ਕਰਨਾ ਸੌਖਾ ਹੋ ਜਾਂਦਾ ਹੈ।
ਤੁਹਾਡੀ ਚੋਣ ਮੁਤਾਬਕ ਨੋਟੀਫਿਕੇਸ਼ਨ
ਉਪਭੋਗਤਾ ਆਪਣੀ ਪਸੰਦ ਮੁਤਾਬਕ ਨੋਟੀਫਿਕੇਸ਼ਨ ਆਦਿ ਪ੍ਰਾਪਤ ਕਰ ਸਕਦੇ ਹਨ।
ਸੌਖੇ ਸ਼ਬਦਾਂ ਵਿੱਚ ਸਮਝੀਏ ਤਾਂ ਇਹ ਫ਼ੀਚਰ ਤੁਹਾਨੂੰ ਆਪਣੀ ਪਸੰਦ ਮੁਤਾਬਕ ਫੋਕਸ ਏਰੀਆ ਚੁਣਨ ਦੀ ਆਗਿਆ ਦਿੰਦਾ ਹੈ।
ਇਸ ਤਰ੍ਹਾਂ ਨਾਲ ਤੁਸੀਂ ਇਹ ਸੈਟਿੰਗ ਕਰ ਸਕਦੇ ਹੋ ਕਿ ਕੰਮ ਵਾਲੇ ਘੰਟਿਆਂ ਵਿੱਚ ਤੁਹਾਨੂੰ ਸਿਰਫ਼ ਕੰਮ ਸਬੰਧੀ ਨੋਟੀਫਿਕੇਸ਼ਨ ਆਉਣ, ਤੇ ਮਨੋਰੰਜਨ ਆਦਿ ਦੇ ਸਮੇਂ ਉਸੇ ਸਬੰਧੀ ਨੋਟੀਫਿਕੇਸ਼ਨ ਆਉਣ।
ਯਾਨੀ ਜੇ ਤੁਸੀਂ ਫੋਨ ਵਿੱਚ ਇਹ ਸੈਟ ਕਰ ਦਿੱਤਾ ਕਿ ਕਿਹੜਾ ਸਮਾਂ ਤੁਹਾਡਾ ਕੰਮ ਕਰਨ ਦਾ ਹੈ ਤਾਂ ਉਸ ਵੇਲੇ ਵਿੱਚ ਉਹ ਤੁਹਾਨੂੰ ਨੋਟੀਫਿਕੇਸ਼ਨ ਰਾਹੀਂ ਇਹ ਨਹੀਂ ਦੱਸੇਗਾ ਕਿ ਤੁਹਾਡੇ ਮਨਪਸੰਦ ਗਾਇਕ ਦਾ ਕਿਹੜਾ ਨਵਾਂ ਗਾਣਾ ਰਿਲੀਜ਼ ਹੋਇਆ ਹੈ।
ਤਸਵੀਰ ਸਰੋਤ, Getty Images
ਐਪਲ ਵਾਲੇਟ ਵਿੱਚ ਡਿਜੀਟਲ ਚਾਬੀਆਂ
ਤਸਵੀਰ ਸਰੋਤ, apple.com
ਇਸ ਨਾਲ ਉਪਭੋਗਤਾ ਆਪਣੇ ਆਪਣੇ ਘਰ, ਦਫ਼ਤਰ, ਹੋਟਲ ਦੇ ਕਮਰੇ ਅਤੇ ਇੱਥੋਂ ਤੱਕ ਕਿ ਕਾਰ ਆਦਿ ਨੂੰ ਵੀ ਖੋਲ੍ਹ ਅਤੇ ਬੰਦ ਕਰ ਸਕਦੇ ਹਨ।
ਇਸ ਦੇ ਲਈ ਉਹ ਆਪਣੇ ਮੋਬਾਈਲ ਵਾਲੇਟ 'ਚ ਇਨ੍ਹਾਂ ਸਾਰੀਆਂ ਡਿਜੀਟਲ ਚਾਬੀਆਂ (ਕੀਜ਼) ਨੂੰ ਰੱਖ ਸਕਦੇ ਹਨ।
ਤਾਜ਼ਾ ਘਟਨਾਕ੍ਰਮ
ਦ੍ਰਿਸ਼ਟੀਕੋਣ
ਪਾਠਕਾਂ ਦੀ ਪਸੰਦ
ਸਮੱਗਰੀ ਉਪਲਬਧ ਨਹੀਂ ਹੈ