Breakdown of Abuja Area Council elections outcome

Di Independent National Electoral Commission (Inec) don release results of di Saturday FCT Council polls.

Results from polling units for di six local councils of di FCT bin start to reflect for dia results viewing portal (IReV) hours afta Inec conduct di elections.

Di election bin witness veri low turnout of voters for di several polling unit especially for many parts of Abuja city.

Dis na di first election wey Inec go conduct using di new but controversial Electoral Amendment Act wey President Bola Tinubu bin sign into law on Wednesday, 18 February.

Dis na also di second election wey di new Inec chairman, Joash Amupitan, go conduct afta e enta office for 23 October, 2025. Di first one na di Anambra State govnorship election wey bin happun for November 2025.

Gwagwalada Area Council (PDP)

Di candidate of di Peoples Democratic Party, Mohammed Kasim, na di winner of di Gwagwalada Area Council chairmanship election.

Di Independent National Electoral Commission Returning Officer, Philip Akpen announce di result on Sunday, 22 February.

E say Kasim secure 22,165 votes to defeat im closest rival, Yahaya Shehu of di All Progressives Congress, wey poll 17,788 votes.

Akpen say di election bin dey peaceful and smoothly conducted.

Registered voters: 207,577

Accredited voters: 46,294

Results

A: 151

AA: 116

ADC: 1,366

ADP: 128

APC: 17,788

APGA: 1,687

APM: 24

NNPP: 175

PDP: 22,165

SDP: 432

YPP: 158

Total valid votes: 43,960

Rejected votes: 1,521

Abuja Municipal Area Council (APC)

Di Independent National Electoral Commission declare Christopher Maikalangu of di All Progressives Congress as di elected chairman of di Abuja Municipal Area Council.

Collation officer for AMAC - Andrew Abue.

Results

A: 403 votes

AA: 108 votes

ADC: 12,109 votes

ADP: 588 votes

APC: 40,295 votes

APP: 32 votes

APGA: 1,111 votes

APM: 122 votes

BP: 43 votes

NNPP: 1,694 votes

NRM: 73 votes

PDP: 3,398 votes

PRP: 90 votes

SDP: 2,185 votes

YPP: 421 votes

ZLP: 189 votes

Bwari Area Council (APC)

Di Independent National Electoral Commission declare Joshua Ishaku of di All Progressives Congress (as winner of Bwari Area Council.

Ishaku score 18,466 votes, to defeat candidates of oda political parties for di contest.

Di Returning Officer for di Bwari chairmanship election, Professor Mohammed Nurudeen, declare di result on Sunday for Bwari.

Results

APC: 18,466

ADC: 4,254

ZLP: 3,515

Kwali Area Council (APC)

Na Daniel Nuhu of di All Progressives Congress win di Kwali Area Council chairmanship election wit 16,656 votes.

Nuhu defeat im closest rival Haruna Pai of di Peoples Democratic Party, wey secure 8,467 votes to come second for di election.

Results

APC: 16,656

PDP: 8,467

Abaji Area Council (APC)

Na Umar Abdullahi of di All Progressives Congress win di chairmanship election for Abaji Area Council.

Results

APC: 15,535

PDP: 4,547

ADC: 37

NNPP: 53

Kuje Area Council (APC)

Na Danjuma Samuel of di All Progressives Congress APC be di winner of di Kuje Area Council chairmanship election.

Di Returning Officer, Professor Nkiruka Odoh, announce Samuel as winner of di election afta she collate di results for Inec office for Kuje.

Samuel score 17,269 votes to defeat im closest opponent, Zakwoyi Danlami of di Peoples Democratic Party wey score 15,824.

Results

APC: 17,269

PDP: 15,824.

APGA: 4,305