Хиёнат қилдинг деб эр аёлнинг қўлларини болта билан чопган. Ўзбекистон - Россия
Оилавий зўравонлик ёки эрларнинг ўз хотинига қарши куч ишлатиши - собиқ Совет Иттифоқи мамлакатларида кенг тарқалган.
Аксар аёллар бундай зўравонликка чидашади.
Сабаби - эрсиз ёки ажралган аёлни жамият яхши қабул қилмайди.
Бошқа тарафдан, эридан ажралган аёлнинг ўз кунинин кўриши, уй қилиши ё бола боқиши ҳам осон эмас.
Аёллар шуурида оилавий зўравонлик одатий ҳол каби чуқур ўрнашган.
Шу сабабли "урадими, демак севади" ёки "рашк қиладими, демак севади" каби қарашлар ҳам кенг тарқалган.
Хиёнат қилгансан, деб эри тарафидан қўллари чопиб ташланган ёш аёл ҳикояси - айни шу тушунчаларнинг фожиали оқибатларидан бири.
Огоҳлантириш: Видео кўнгилни хира қилиши мумкин:
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Россиянинг даҳшатли, аммо дунё кўзидан яширин сири бор.
Бу - аёлларга қарши оилавий зўравонлик.
Ҳар йили минглаб россиялик аёлларни эрлари ўлдиради.
Муаммонинг бу қадар кенг тарқалганига қарамасдан, Россия маиший зўравонликка оид қонунларини енгиллаштирган.
Оилавий зўравонлик ҳолатида биринчи бор дўппослаган ёки калтаклаган одам жиддий жисмоний зарар етказмаса, қамоққа олинмаслиги мумкин.
Аммо зўравон эркаклар қаттиқ жазоланишини истайдиган россиялик аёллар нима дейишади?
Уларнинг овозлари ва талаблари анъанавий Россия жамияти ва менталитетида қирғоққа урилган ожиз тўлқиндек ортга чекинмоқдами?
Ёки бу ўринда янги қадамлар қўйилмоқдами?
Россиядаги ҳолат унга яқин жойлашган собиқ Совет республикалари, хусусан, Ўзбекистонда қандай таъсир кучига эга бўлиши мумкин?
Би-би-си Ўзбек Хизмати видео лавҳасини томоша қилинг.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
