Dudu Heritage: Bimbo Oshin husband burial photos as family lay am to rest
Di burial of popular Nigerian actress Bimbo Oshin husband, Oladiran Ishola Ibironke wey many pipo sabi as Dudu Heritage don take place for Ibadan, di Oyo-state capital, South-west Nigeria dis Friday.
Plenty Nollywood actors, golfers and celebrities actors turn up for Ibadan Golf Club to pay dia last respect to Dudu Heritage wey be di Captain of Ibadan Golf Club before im death.
Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose 'accept and continue'.
End of Instagram post
According to reports, di socialite, Oladiran Ishola Ibironke bin slump and die as e dey play golf on September 12, 2021.
Di burial programme start wit tree planting wey be normal golf tradition for di yard of di golf course.
Vice-Captain of di club, Tunji Oladosu for inside statement announce say "Im burial activities go begin on October 14 wit Christian wake and Night of Tributes. On Friday, we go plant tree as our tradition for members at a time like dis."
E say di burial of di Nollywood actress husband go dey honoured by golfers from all over di kontri.
Actors wey present for di burial include Adewale Adeoye, wey many pipo sabi as Adewale Elesho, Muyiwa Ademola, Jaiyeola Kuti, Adeniyi Johnson, among odas dey di burial.
Plenty pipo for social media don also offer dia condolence to di family and friends of Dudu Heritage.
End of Di one wey oda users dey read well well
