BBC News, Afaan Oromoo
Qabiyyeetti darbi

Vaayiresiin Maarbarg guutummaan guutuutti Itoophiyaa keessaa "dhabamsiifameera" -Ministeera Fayyaa

Ji'a sadii dura Kibba Itoophiyaa, godina Jinkaatti mul'atee kan ture Vaayirasiin Maarbarg guutummaan guutuutti to'atamuu MInisteerri Fayyaa beeksiseera.

Guduunfaa

Haguuggii Tamsaasa Kallattii

  1. Amma nu gahe, Tiraamp bulchaa Minisoota waliin bilbilaan erga dubbatanii booda 'Aniifi Waalz waliin foyyeessuu barbaadna' jedhan

    Bulchaa Mineesota, Tiim Waalz

    Madda suuraa, Getty Images

    Doonaald Tiraamp bulchaa Minisoota, Tiim Waalz waliin haasaa bilbilaa ''baay'ee gaarii'' akka waliin taasisaniifi lamaan isaaniituu ''haala walfakkaataa'' irratti kan argaman fakkaata'' jedhan.

    "Toom Hoomaan akkan bilbilu akkan godhu bulchaa Waalzitti himeera, wanti nuti barbaannu Yakkamtoota isaan harka jiran kamii fi hunda saanii akka ta'e," dubbachu Tiraamp miidiyaa hawaasaa isaanii irratti barreessan.

    Pirezidaantichi itti dabaluudhaan, Waalz kanaaf fudhatama kan qabu yoo ta'u, ''Toom Hoomaan gara Mineesota deemuu isaatti gammadeeras'' jedhan.

    "Washingtan, D.C., Memifiiis, Tennessee,fi Niiw Orliinns, Liyusiayaanaafi bakka biraa hunda jechuun ni haala danda'amuun kan nuti 'tuqnee' fi Mineesota keessattillee, Yakki baayyee gadi bu'eera,. Haata'u malee, aniifi Bulchaan Waalz, lamaan keenyayyuu fooyyeessuu barbaanna!" jedhan Tiraamp itti dabaluudhaan.

    Kanaan dura Waalz, "Pireezidaantichi oppareshinii kana xumuruu qaba. Qondaaltota jeequmsa uumuu fi leenjii hin qabne kumaatamaan lakkaa'aman Mineesota keessaa baasuu qaba. Ammaan tana," jechuudhaan Tiraamp ergamtoota federaalaa isteeticha keessaa akka baasaniif gaafatanii ture.

  2. Haala qilleensaa hamaa UStti mudateen walqabatee yoo xinnaate namoonni 17 du'an

    Nama cabbii kaasaa jiru

    Madda suuraa, Getty Images

    Sababii haalli qilleensa baayyee qorraa ta'e bulchiinsoota Ameerikaa baayyee keessatti mudateen wal qabateen yoo xinnaate namoonni 17 du'uun gabaafame.

    Cabbii fi haala qilleensaa baayyee qorraa dhuma torban darbeerraa kaasuun mudateen lakkoofsi namoota bakkeewwan garaa garaatti du'aa jiraachutu himame.

    Bakkeewwan sababii haala qilleensa hamaa kanaatiin namoonni keessatti du'uun gabaafame keessa:

    • Bulchiina Teenis keessatti namoonni sadii du'usaanii aanga'oonni mirkaneessan.
    • Akkasumas bulchinsa Luuwiiziyaanaa keessattis namoonni lama balaa cabbiitiin wal qabate du'an.
    • Namni bulchiinsa Teeksaas keessatti buufata raabsaa boba'aa keessatti du'e argame tokkos sababiinsaa kan qorraan wal qabatu ta'u akka hn olle poolisiin ibseera.
    • Achuma bulchiinsa Teeksaas keessatti shamarreen waggaa 16 tokkos balaa osoo cabbii irra sololaattuu mudateen lubbuunshee darbeera.
    • Akkasumas Maasaachuseeti keessatti dubartiin tokko cabbiin irratti kufuun duuteetti.
    • Kaansaas keessatti ammoo dubartiin tokko du'uun cabbiin haguugamtee argamteetti.
    • Sababiin du'asaanii ganaa adda baafamu baatulleen, Niiw `yoork keessattis namoonni shan lubbuunsaanii darbeera.

  3. Daandiin Qilleensaa Itoophiyaa balalii sababa Maarbargiin addaan kute jalqabuuf

    Xiyyaara Daandii Qilleensaa Itoophiyaa

    Madda suuraa, ET

    Naannoo Kibba Itoophiyaa godina Jinkaatti mudatee kan ture vaayirasiin Maarbarg guutumaan guutuutti to'atamuu hordofee Daandiin Qilleensaa Itoophiyaa balalii addaan kutee ture deebiyee akka jalqabu beeksise.

    Weerara Sadaasa darbe mudate kanaan Hospitaala Jinkaa keessatti namoonni ja'a du'uu hordofee ture mootummaan dhukkubichi Maarbarg ta'uu isaa kan beeksise.

    Sababa kanaanis, Daandiin Qilleensa Itoophiyaa balalii gara Jinkaatti taasisaa ture addaan kutee kan ture yoo ta'u, naannoo sanatti tiraanispoortii ummataa osoo hin hafiin dhorkaan kaa'amee ture.

    ji'a sadii dura yeroo jalqabaatiif Naannoo Kibba Itoophiyaa, godina Jinkaatti kan mul'ate Vaayiresiin Maarbarg, amma akka dhabamsiifame Ministeerri Fayyaa ibsa Amajji 26, 2026 baaseen beeksiseera.

    Kana hordofee Daandiin Qilleensaa Itoophiyaa dhaabbileen naannichaafi godinichaaf xalayaa barreesseen balalii Finfinneerraa gara Jinkaa, Jinkaa irraa gara Finfinnee addaan kutee ture Jimaata akka jalqabu xalayaa Daandii Qilleensaa waliil walqabsiisuun Komunikeeshiniin godinichaa fuula miidiyaa hawaasaa isaarratti beeksiseera.

    Ministirri Fayyaa Dr.Maqidas Dhaabaa akka dubbattetti, vaayiresichi "guutummaatti Itoophiyaa keessaa akka dhabamsiifame" kan ifoome akkaata ahojmaata Dhaabbata Fayyaa Addunyaatiin "guyyoota 42 darban walitti aansuun dhukkubsataan tokkollee waan hin galmoofneefidha>"

    Ji'oota vaayirasiin Maarbarg Itoophiyaa keessatti mul'ateen booda namoonni 14 dhukkuba kanaan qabamanii akka turan qorannoo laaboraatooriitiin mirkanaa'eera. Isaan keessaa namoonni sagal yoo du'an, shanan isaanii ammoo dhukkubicharraa fayyaniiru.

  4. Qorattoonni Isteetichaa bakka dhukaasni itti raawwatamerraa dhorkaman - Hogganaa Poolisii Miniyaapolis

    Hogganaa Poolisii Miniyaapolis

    Hogganaan Poolisii Miniyaapolis, Bireeyin O'Hara akkuma oduu waa'ee ajjeechaa sanaa dhagahaniitti "battalumatti" qaamonni seera kabachiisan isteetichaa bakka itti Aleks Pireet irratti dhukaasni banametti akka argaman gaafachuu isaanii dubbatan.

    Biiroon To'annoo Yakkaa Minisootaa, kan O'Hara akka qoranicharratti hirmaataniif gaafate, "dhaabbata qorannoo sadarkaa isteetichaa kan dhukaasa poolisiitiin walqabatee bulchiinsa kana keessatti raawwatamu hunda qoratudha" jedha.

    Isaanis deebii kennaniiru, garuu O'Hara akka jedhutti, erga dhimmicha qorachuudhaaf ajaja isiteetichaa argataniin boodalleen, qaamolee seera kabachiisan federaalaatiin bakka sana akka hin seenne dhorkamaniiru.

  5. Meksiikootti hidhattoonni dirree kubbaa miilaa seenuun dhukaasa bananniin yoo xiqqaate namoonni 11 ajjeefaman

    Loltoota

    Madda suuraa, AFP via Getty Images

    Dilbata Meksiikoo magaalaa Salamaankaatti bakka namoonni dirree kubbaa miilaa keessatti walitti qabamanii jiranitti dhukaasa hidhattoonni bananiin yoo xiqqaate namoonni 11 ajjeefamanii kan biroo baayyeerra miidhaan qaqqabe.

    Hidhattoonni kunneen baayyatanii konklaataan fe'amanii bakka sana akka gahaniifi nama osoo adda hin baasiin kanuma argatanirratti dhukaasaakka bananan namoonni ijaan argan dubbataniiru.

    Yeroo haleellaan kun raawwatametti, maatiin baayyeen morkii garee kubbaa miilaa naannoo sanaan booda wal arguudhaaf walitti qabamanii turan.

    Namoota ajjeefaman kanneen keessa daa'mnii fi dubartiin tokko keessatti argamu.

    Kaayyoon haleellaa kanaa hanga ammaa maal akka ta'e ifa miti.

    Humnoonni nageenyaa nananoofi federaalaa haleellaa lubbuu galaafate kana qorachaa jiru.

  6. Mikeel Arteettaa fi taphattoonni Arsenaal erga Maan Yuunaayitidiin mo'amanii maal jedhan?

    Taphattoota Arsenaal

    Madda suuraa, Getty Images

    Arsenaal dirree isaa irratti Maanchister Yuunaayitidiin 3-2'n mo'ame.

    Galchii Biriyaan Embuumoo, Doorguu fi Kuunaadhaan Arsenaaliin kan injifate Maanchister Yuunaayitid torbee darbes Maanchsietr Siitii mo'achuun gahumsa guddaa agarsisieera.

    Taphattoonni Arsenaalii fi Arteettaan maal jedhan?

  7. Ameerikaatti sababa haala qilleensaa rakkisaan jeettiin kufee caccabe

    Bakka balaan xiyyaaraa mudate

    Madda suuraa, APTN / WABI

    Kuta abulchiinsa Ameerikaa Meeyin keessatti jeettiin dhuunfaa namoota saddet qabatee ture yeroo Buufata Xiyyaaraa Idil-addunyaa Baangoor irraa ka'utti kufee caccabuu Abbaan Taayitaa Aveeshinii himeera.

    Jeettiin Bombaardiyeer Chaaleenj 600 ta'e kun Wixata saatii 9:45 irratti ture kufee caccabuun isaa kan ibsame.

    Haallii fi eenyummaan namoota jeettii kanarra turanii hin ibsamne.

    Balaan kun kan qaqqabe sababa haala qilleensaa waqitii gannaa guutummaa Ameerikaatti cabbiifi urrii uwwise hordofeeeti.

    Haali qilleensaa rakkisaa kun hanga ammaatti lubbuun namoota 10 olii akka darbuuf sababii ta'eera.

    Namoonni kuma dhibbaan lakkaa'aman ammoo ibsaa malee hafaniiru.

    Balaliistonno jeettichaa balaan kun osoo hin mudatiin dura naannoo buufata xiyyaaraa sana arguudhaaf rakkachaa akka turan himameera.

  8. Dorgommiin olaantummaa biyyoota jajjaboo addunyaa sadan garam deemaa jira?

    Hoggantoota biyyoota jajjaboo addunyaa sadan

    Madda suuraa, Getty Images/BBC

    Ameerikaan erga hogganaa Veenzuweelaa Nikolaas Maaduroo to'atteen booda Pirezidaantiin Ameerikaa Doonaald Tiraamp "olaantummaan Ameerikaan Hemisfeera Dhihaa irratti qabdu kana booda gaaffii keessa hin jiru" jechuun dubbatan.

    US humna cimaa qabaachuu ishee guddiftee mul'isuufis yaalaa jirti.

    Chaayinaa fi Raashiyaan gama isaaniin biyyoota dhiibbaa qaban ta'uu isaanii mirkaneessuuf tattaaffii taasisaa jiran itti fufaniiru.

    Xiinxaltoonni akka jedhanitti biyyoonni sadan haala addunyaa haaraa uumuuf carraaqaa jiru.

    Dhiibbaan isaanii Awurooppaa bira darbee guutuu addunyaatti mul'ataa jira.

    Gabaasni kun dhiibbaa waraanaa, dinagdee fi siyaasaa US, Chaayinaa fi Raashiyaan ollaa isaanii fi addunyaa irratti qaban dhiyeessa.

    Addunyaa 'humnaan bultu'.

  9. Ajjeechaa Minisootaa hordofee mormiin kan itti jabaate Pirezidant Tiraamp "waan hunda ni gamaggamna" jedhe

    Mormitoota

    Madda suuraa, EPA

    Sambata humni federaalaa Ameerikaa seera immigireeshinii kabachiisan, ICE, lammii Ameerikaa umuriin isaa wagga a37 ajjeesuu hordofee mormii jabaataa dhufeen pirezidant Tiraamp bulchiisni isaa "waan hunda ni gamaggamna" jedhe.

    Pirezidant Tiraamp gaaffiifi deebii Barruu Wool Istiriit waliin taasiseen, humnoonni federaalaa adeemsa keessa magaalattii gadhiisanii akka bahan beeksiseera.

    Yeroo humnoonni federaala akunneen itti bahan ilaalchisuun garuu waan jedhe hin qabu.

    Ajjeechaa narsii namoota baayyee dhibaman kunuuns kan ta'e Aleksii Pireetii hordofee, Dilbata magaalota Ameerikaa keesatti mormiin cimee itti fufeera.

    Gavarnariin Minisootaa Tiim Waalz Ameerikaan "bakka qaxaamuraarra jirti" jechuun akeekkachiiseera.

    Garaa garummaa torbanoota muraasa keessatti ajjeechaawwan lama mudatan ilaalchisuun ibsi kennaman wal falmisiisa ajiru.

    Aanga'oonni federalaa fi kuta abulchiinsa kanaas sababa kanaarraa kan ka'een wal gaarerffannaa keessa galaniiru.

  10. Vaayiresiin Maarbarg guutummaan guutuutti Itoophiyaa keessaa "dhabamsiifameera" - Ministeera Fayyaa

    Dr. Maqidas Dhaabaa

    Madda suuraa, Ministry of Health

    Ji'a sadii dura Kibba Itoophiyaa, godina Jinkaatti mul'atee kan ture Vaayirasiin Maarbarg guutummaan guutuutti to'atamuu MInisteerri Fayyaa beeksiseera.

    Vaayiresiin kun "guutummaatti Itoophiyaa keessaa dhabamsiifamuun" isaa kan ifoome akkaataa hojmaata Dhaabbata Fayyaa Addunyaa (WHO)tiin "guyyoota 42 darban walitti aansuun dhukkubsataan haaraa tokkollee waan hin galmoofneef " ta'uu ministirri fayyaa Dr. Maqidas Dhaabaa ibsiteetti.

    "Lubbuu lammilee keenya sagalii dhabnullee, weerarri kun rakkoo cimaafi walxaxaa qaqqabsiisuu danda'urraa ummata keenyaafi biyya keenya baraaruu dandeenyeerra. Baga gammaddan! Baga Gammadne," jechuun dhibeen kun to'atamuu labsite Dr. Maqdas Dhaaba.

    Ministeerri Fayyaa yeroo jalqabaatiif Vaayirasiin Maarbarg Itoophiyaa keessatti mul'achuu kan ibse Sadaasa keessa ture. Yeroo kana keessatti namoonni 14 dhibee kanaan qabamuusaanii qorannoo laaboraatooriin kan mirkanaa'e yoo ta'u, kanneen keessaa sagal lubbuun isaanii darbeera. Shan ammoo dhibee kanarraa fayyaniiru.

    Dhukkubni kun Itoophiyaa keessatti kan mul'ate yeroo jalqabaatiif ta'uu kan ibsite Dr. Maqdas, "yeroo sanatti dhukkubni kun hamaa ta'uu isaarraa kan ka'een wanti mudate hunda keenyaaf yaaddessaa ture," jette.

    Vaayirasiin Maalbarg maali, talaallii qabaa, akkamiin ofirraa ittisuun danda'ama?

  11. ASHAMAA!

    Akkam jirtu? Oduu kallattiin isin biraan geenyu jalqabneerra.

    Xiinxala gara garaa, odeeffannoo wayitaawaa akka filannoo keessaniitti toora kanneeniin argachuu dandeessu:

    Odeeffannoo biroo hedduuf: Marsariitii, Facebook, YouTube, Whatsapp irratti nu hordofaa.

    Dhiyaadhaa!