Tapha Pirimeer Liigii Ingilizii torban 23ffaan kan Wixata galgala kana taphatamaa jiruun Everten Liidsiin simatee morkataa jiru. Kilaba baran gadii ol guddatee gahumsa gaarii agarsiisaa jiru Liidsiif bu'aa guddaa buusaa kan jiru Kalvert-Lewiin kilaba duraan keessa ture Everten irratti yoo lakkoofsisa ta'e eegamaa jira.
Madda suuraa, Reuters
Tapha Pirimeer Liigii Ingilizii torban 23ffaan kan Wixata galgala kana taphatamaa jiruun Everten Liidsiin simatee morkataa jiru.
Kilaba baran gadii ol guddatee gahumsa gaarii agarsiisaa jiru Liidsiif bu'aa guddaa buusaa kan jiru Kalvert-Lewiin kilaba duraan keessa ture Everten irratti yoo lakkoofsisa ta'e eegamaa jira.
Nu hordofaa!
Madda suuraa, Getty Images
Arsenaal tapha tokkorratti hanga Maanchester Yunaayitid galchii 3 irratti galchutti taphoota 121 irratti goolii lamaa ol itti galee hin beeku.
Bara kana Piriimer Liigii taphoota 23 taphatameen Arsenaal irratti goolii 17 qofatu itti gale, kana keessaa sadii kan Maanchester Yunaayitidha.
Namoonni tokko tokko Arsenaal 'yeroo maaleyaama Maanchester Yunaayitid' argu 'mogoleen isa bu'a' ykn 'onneen' isa laafi jedhu.
Yaada kana kan deeggaru tokko kan taphataan duraanii Arsenaal Paatrik Veeraa gahumsa Saakaa tapha Maanchester Yunaayitid waliin taphatanirratti agarsiise kenneedha.
"Tapha sanarratti baayyeema qorraasaatu ture. Tapha gurguddaa akkasiirratti sirriitti cimee mul'achuuti irraa eegama ture silaa. Inni garuu kana hin goone," jedhe Paatrik Veeraan.
Yaadni Veeraa sirriidhaa?
Isin akkamitti ilaaltan?
Madda suuraa, Getty Images
Piriimer Liigii keessatti gurra guddaa kan qabuufi amballii Maanchester Yunaayitid kan ture Rooy Kiin, "Osoo Maanchester Yunaayitid bara kana taphoota hafan hunda mo'ateeyyu hojii leenjisummaa Maayikel Kaarikiif hin kennu," jedhe.
Taphataan duraanii Maanchester Yunaayitid waliin waancaa 17 mo'ate kun, tapha Maanchester Yunaayitid dirree isaarratti deemee Arsenaaliin 3 fi 2 erga mo'atee deebiyee booda kana jedhe.
Roy Keane admitted Manchester United have 'momentum' under Michael Carrick but believes he is not the right person for the permanent role.
Maayikel Kaarik jalatti Maanchester Yunaayitid yeroo ammaa gahumsa gaariirra jira garuu, dhaabbataadhaan nama itti fufee leenisaa Maanchester ta'uu danda'u miti jedhee akka amanu dubbate Rooy Kiin.
Kanaaf, ammoo sababa inni dhiyeesse tokko leenjisaa buleessa,muuxannoo gahaa qabu waan hin taane fuula duratti 'qaawwi baayyee itti urachuu danda'a' jedheera.
Isin maal jettu?
Yaada Amballii duraanii Maanchester kana ni fudhattuu?
Madda suuraa, Getty Images
Diraamaa!
Piriimer Liigii dursaa kan jiru Arsenaal masaanuu isaa yeroo dheeraa Maanchester Yunaatid harkatti kufe.
Arsenaal 2 - 3 Maanchester Yunaayitid.
Maanchester Yunaayitid boodarraa ka'ee Rasenaaliin dirreessaarratti 2 fi 1n dursaa jira.Daqiiqaa 50ffaa irratti lakkoofsiseera.
Maaltu itti aana?
Maancherster Yunaayitid goolii Imbuumoon daqiiqaa 37ffaa irratti lakkoofsiseen wal qixaateera.
Arsenaal daqiiqaa 7 qofaaf durse.
Arsenaal daqiiqaa 29ffaa irratti goolii Maartineez ofirratti lakkoofsiseen dursa qabateera.
Arsenaal goolii lakkoofsiseen alattis, kubbaa to'atee taphachuun yaalii caalus taasiseera.
Maaltu itti aana?
Nu hordofaa
Arsenaal taphattoonni miidhamarra turan hunduu deebiyaniiruuf.
Amma tapha Maan Yunaayitid waliin qabuuf sarara fuula duraa irratti Viktor Giyookerresh dhiisee Gabreel Jeesus hiriirsiseera.
Sarara bitaafi mirgaarra ammoo Saakaa fi Tiroosaardiin jalqabe.
Gidduurratti ammoo Raayis, Zubimendii, Odegaard jiru.
Sarara Ittisaarratti ammoo Timber, Saliibaa, Gabrii'eel, Hinkaappiin jalqabe.
Maanchester Yunaayitid ammoo sarara fuula duraarratti Imbuumoo, Amad, Buruunoo, Dorguutiin gale.
Gidduurra Maayinofi Kasemiirootiin jalqabe.
Sarara ittisaarraatti ammoo Shawu, Maartineez, Maaguweeriifi Daalot hiriirsiseera.
Madda suuraa, Getty Images
Chelsiin Kiristaal Palaaasiin dirree isaatti deemee 3 fi 1n mo'atee gale.
Notigihaam Forestis akkuma kana gara dirree Bireentifoord deemee 2 fi 0n mo'ateera.
Aston Viilaanis gara dirree Niiwukasil deemee 2 fi 0n mo'ee mirgaan deebi'e.
Amma kan jalqabuuf jedhu Arsenaal fi Maancherster Yunaayitididha.
Kana abbaan dirree Arsenaalidha.
Mo'amuuf ta'aaree?
Hanga boqonnaatti kana fakkaata:
Bireentifoord 0 - 1 Notingihaam Forest -Jeesus lakkofsise
Kiristaal Paalaas 0 - 1 Chelsii - Estaavaa'oo lakkoofsise
Niwukasil 0 - 1 Aston Viilaa - Bundiyaa lakkoofsise
Madda suuraa, Getty Images
Palaas 0-0 Chelsii,
Niwukasil 0 -0 Aston Viilaa,
Bireentifoord 0- 0 Forest
Kan galgala kana Arsenaal fi Maanchester Yunaayitid dabalatee taphoota hundumaa eenyu goolii meeqa lakkoofsisee akka mo'u ogeessi kubbaa miilaa BBC tilmaameera.
Madda suuraa, Getty Images
Garee lama yeroo wal dorgomsiiftu waan ittiin isaan madaaltu inni dhugaan waancaa mo'ataniinidha.
Gareen Maan Yuunaayitid bara 2007- 2008 waancaa Piriimer Liigii mo'achuun xumure. Shaampiyoonsi Liigiis mo'ateera.
bara 2008-09 gareem akanatu waancaa Piriimer Liigii ammas mo'ate.
Gareen Arsenaal ammaa kun ammatti waancaa homaa hin mo'anne. Inni dhumaa waancaa mo'atan FA Cup yoo tahu bara 2019-20 ture.
Hanga waancaawwan mo'atanitti wal madaalsisuuniyyuu hin danda'amu. Tarii Tiyoo Waalkoot tapha bareedaa ykn gahumsi Arsenaal agarsiisaa jiru gatii qabaachuu qaba jedhee yaada taha.
Garuu waancaa malee waan bareedaan addaa kubba miilaa keessatti ittiin dhaadattu hin jiraatu.
Kanaaf Ruuniin nutu caala ture jechuun isaa dhuguma. Hanga Arsenaal waancaa mo'atutti.
Madda suuraa, Get
Maanchester Yunaayitid leenjisaa isaa yeroof ramadameef Maayikil Kaariik jalatti Darbii Maanchester irratti akka gaariitti socho'eera.
Gareen kun gahumsa hin raafamne agarsiisuu akka qabu leenjisaan isaa dubbatus, hangam cimanii socho'anillee Ze Gaanars waan tokko argachuuf jecha waan taphatuuf itti ulfachuu danda'a.
Arsenaal torban darbe Forest waliin qabxii qooddatee gale.
Gareen Mikeel Arteettaa amma qabxii waan gatu hin fakkaatu.
Kaarik akkuma tapha Siitii dhaabe, kan Arsenaal dhaabuuf qophii taasisullee, kubbaa Arsenaal bakka dhaabaturraa ka'u maal gochuu danda'a?
Xiinxalaan kubbaa miilaa Kiriis Saatan Arsenaal 2fi 0'n mo'a jedheera. Waliigaltuu?
Madda suuraa, Fuula Instagram Virginia
Taphataan beekamaa Riyaal Maadiriid fi Biraazil Viniishiyees Juuniyeer tapha La Liga kaleessa gareen isaa Viyaariyaal mo'atee Baarseloonaa caalee Liigicha dursuu eegalerratti waan kanaan dura shakkamaa ture ifa baaseera.
Kanaan dura hamiifi ta'innaa jedhamaa ture malee waan qabatamaan hin turre.
Taphataan collee umuriin isaa waggaa 25 kun dubartii Virjiiniyaa Fonsekaa jjedhamtu waliin jaalalatti akka jiru ifatti mirkaneesseera.
Dubartiin kun dirree seentee Viinii deeggaraa turteetti. Boodas suura jaalalatti jiraachuu agarsiisu ka'anii miidiyaa hawaasaarratti gadhiisaniiru.
Virjiiniyaa Fonsekaa eenyu?
Maqaan isjee Virjiiniyaa Foneskaa jedhama. Umuriin ishee waggaa 26 yoo taatu, dubartii miidiyaarratti dhuubbaa guddaa uumtedha.
Virjiiniyaan Yunaayitid Isteet, Konnektiikat keessatti dhalattee Biraazil keessatti guddatte.
Dubartiin lammii dachaa Biraazil-Ameerikaa kun Biraazil keessatti maqaa gurra guddaa qabdi. Dhimmi ishee biyyattii keessatti yeroo baayyee dhimma ijoodha.
Virjiiniyaa miidiyaaleen hawaasaarratti hordoftoota miliyoonotaan qabdi. Instagram irratti hordoftoota miliyoona 53 kan qabdu yoo ta'u, TikTok irratti ammoo hordoftoota miliyoona 40 qabdi.
Yeroo umuriin ishee waggaa 17 jiru YouTube irratti baayyee kan beekamte Virjiiniyaan, waggoota muraasaa TV Show Ameerikaa Kibbaa keessatti baayyee beekamaa ta'e Qabdi ture.
Sagantaan TV Virjiiniyaan SBT irratti dhiyeessaa turte kun Sabadou com Virginia', jedhama ykn afaan Ingliffaan 'Saturday with Virginia' jedhama.
Virjiiniyaa Fonsekaa Kanaan dura nama biraa weellisaa Zee Feliippee jedhamu waliin jaalalaan kan ture yoo ta'u ijoollee durbaa sadii walii hortaniiru.
Jalqaba bara kanaa lamanuu waliigalanii jalqabama bara kanaa adda bahan, garuu murteen isaan fudhatan lachuu baayyee kan gaddisiise ture jedhama.
Adda bahanii booda ji'a muraasa keessatti, Vinishiyees Juunier waliin jaalala akka jalqaban irratti odeeffamuu jalqabe.
Yeroo gara garaatti gara istaadiyeemii Riyaal Maadiriid, Bernaabaawuu deemtee achitti suura kaatee gadhiisaas turte, garuu wanti ifa goote hin turre.
El Clasico deemtee hiriyyootaa fi miseensa maatii waliin ka'aa turte.
Amma garuu Viniishiyes Juuniyer waliin suura gara garaa ka'anii gadhiisaniiru, jaalalli isaaniis ifa baheera.
Madda suuraa, Getty Images
Leenjisaan Maanchester Siitii Peep Gaardiyoolaa Omaar Maarmush 'taphataa addaadha' jechuun tapha Woolvis waliin kaleessa taphatanii mo'ataniin booda yaada kenneen ibse.
Taphataan lammii Masirii kun kaleessa sarara fuula duraarra seenuun Maanchester Siitiin bakka Haalaand hin jirretti filannoo qabaachuu agarsiiseera.
Maarmush Siitiif goolii lakkoofsisuun alatti taphaanis garee isaa gargaareera.
Gaardiyoolaan Haalaand fi Fooden osoo hin hiriirsisiin hafuun gahumsa isaaniirraa erga dhiyootii as gadi bu'uu isaanii akeekeera.
Bara darbe akkuma gara kilabichaa dhufeen ji'oota jalqabaa lamaan gahumsa guddaa agarsiisaa ture kan jedhe Gaardiyoolaan, osoo Maarmush hin dhufne ta'ee silaa hirmaannaan Shaampiyoons Liigiis ta'e FA CUP shakkisiisaa ture jechuun gahee isaa jajateera.
Gara fuula duraatti Haalaand teessisuuf deemaa?
Maal jettu?
Madda suuraa, Getty Images
Dorgommiin La Liga Ispeen baka kanaa kokkee walqabuu ta'aa jira. Riyaal Maadiriid gara dirree Viyaariyaal deemee goolii lamaan Kiliyaan Imbaappeen lakkoofsiseen 2 fi 0n mo'atee dursummaa Baarseloonaarraa fudhateera.
Impaabbeen goolii jalqabaa daqiiqaa 47ffaa irratti, kan lammeessuu ammoo daqiiqaa 94ffaa irratti peenaaliitiin lakkoofsise.
Peenaaliitii Imbaappee Panenkaa Biraahim Diyaaz taa'ee daawwachaa ture.
Biraahim Diyaaz peenaliitii falmisiistuu Morookoon argate Panenka yaalee osooo hin lakkoofsisiin hafee ofiinis, biyya isaaa Morookoos qalbii cabse.
Peenaaliitiin Panenka jedhamu kun maali?
Daqiiqaan 90 dhumee isheeen dabalataayyu dhumtee Barnimaawoz ammas Liiverpuul 'qaanessan'.
UGGUM kubbaa miilaa!
Madda suuraa, Getty Images
Liiverpuul goolii Siboozilaay adabbii kenname bakka gooliitti dhiyoorraa ldaqiiqaa 80 irratti akkoofsiseen amma 2 fi 2 warra dirree Bornimaawoz waliin walqixxaateera.
Madda suuraa, Getty Images
Liiverpuul 2 fi 0n Bornimaawoziin durfamaa jira.
Jifataan Boornimaawoz Eveniilsan kubbaa Iskoote kenneef daqiiqaa 26ffaa irratti Liiverpuul irratti lakkoofsiseera.
Daqiiqaa 33ffaa irratti ammaa taphataan Aleks Jimineez jedhamu Liiverpuu irratti dabalee lakkoofsisee 'dugda kuteera'
Liiverpuul Mohaammad Saalaah tapha Waancaa Afrikaarraa deebiyeef, Siboozilaay, Gaakpoo Filooriyaa Wiirtiz qabatee Ekitiikee teessuma jijjiirraarra kaa'ee jalqabe.
Madda suuraa, Reuters
Maanchester Siitiin har'a tapha kilaba sadarkaa dhumaarra jiru Woolvis simatee 2 fi 0n mo'ateera.
Siitiin torban darban keessa gatantaraa tureera, keessumaa Darbii Maanchester fi tapha Shaampiyoonsiirratti baayyee mudhukee ture.
Amma sararatti waan deebiye fakkaata.
Taphattoonni sarara duubaa fi sarara duraa Amajji kanatti mallatteesifate kunneen bu'aa buusaaf jiruu?
Taphattoota kanneen akkamiin ilkaaltan?
