د مځکې پر مخ دوزخ

غزه کې د اسرائيلو مځکنيو عملياتو له پيل راهيسې څه د پاسه سل اسرائيلي سرتېري وژل شوي دي. د حماس تر ادارې لاندې روغتيا وزارت بيا وايي، د هغو فلسطنیانو شمېر چې غزه کې وژل شوي نژدې ۱۸ زرو کسانو ته رسېدلی دی.

اسرائيلو پخوا دغه شمېرې رد کړې وې، خو ملګري ملتونه يې سمې بولي.

د فلسطينيو کډوالو لپاره د ملګرو ملتونو ادارې مشر غزه کې حالت د مځکې پر مخ يوه دوزخ په څېر بللی دی.

پر همدې مهال ملګرو ملتونو کې ډيپلوماتان وايي عمومي اسامبلۍ ښايي سبا غزه کې د اوربند پر يوې بلې غوښتنې رایه ورکړي.