NBA Draft 2020: Lee Ụmụafo Naịjirịa ahọpụtara isonye tụọ bọọlụ nkata NBA n'afọ a

Jordan Nwora, Isaac Okoro na ndị ọzọ esonyela na otu dị ukwu na bọọlụ nkata na mba Amerịka.

Ebe foto si, @JordanNwora

Nkọwa foto, Jordan Nwora gbara afọ 22 abanyela n'otu Milwaukee Bucks. Ọ gụrụ akwụkwọ na Mahadum Louisville ebe ọ gbaara bọọlụ nkata. O so na otu bọọlụ nkata nke Naịjirịa.

Ebe foto si, @precious/Instagram

Nkọwa foto, A mụrụ Precious Achiuwa na obodo Pọtakọt na Naịjirịa tupu ọ gawa mba Amerịka. Ọ dị afọ 21. O bu ụzọ mụta ịgba bọọlụ tupu ọ malite ịkụ bọolụ nkata. Ọ kubuorola otu Mahadum Memphis bọọlụ.

Ebe foto si, @OBig021_/Twitter

Nkọwa foto, Onyeka Okongwu dị naanị afọ 19 esonyela n'otu Atlanta Hawks na nkata bọọlụ. Nwanne ya nwoke bụ Nnamdi na-akụkwa bọọlụ nkata nwụrụ n'afọ 2014.

Ebe foto si, @isaacokoro/Instagram

Nkọwa foto, Isaac Okoro dị afọ 19 bụ onye amụrụ na Atlanta mba Amerịka. Otu họọrọ ya bụ Cleveland Cavaliers n'ọkwa 5. Tupu ọ banye ebe ahụ, ọ kụụrụ otu Auburn Tiger's bọọlụ.

Ebe foto si, @udoka_azubike/instagram

Nkọwa foto, A mụrụ Udoka Timothy Azubike na Naịjirịa. O bidoro ịkụ bọọlụ nkata mgbe ọ dị adị afọ 13. Ugbua o so n'otu Utah Jazz. Nna Udoka nwụrụ mgbe ọ dị afọ iri na Naịjirịa tupu achọpụta ya ma malite ikụziri ya bọọlụ nkata

Ebe foto si, @Zekennaji/Insgram

Nkọwa foto, Otu Denver Nuggets bụ ndị họọrọ Ezekiel Tobechukwu 'Zeke' Nnaji. Zeke dị afọ 19 gbaara otu Arizona Wildcats mgbe ọ nọ na Mahadum. A mụrụ ya na Minneapolis na mba Amerịka