એક પત્ની અને બે પતિ: આ પ્રથા શું છે જેની ચર્ચા થઈ રહી છે?

હિમાચલ પ્રદેશના સિરમૌર જિલ્લાના શિલાઈ ગામે તાજેતરમાં એક એવાં લગ્ન થયાં જે ચર્ચાસ્પદ બન્યાં છે અને વિવાદ પણ થયો છે.

કુંહાટ ગામનાં સુનીતા ચૌહાણે બે સગા ભાઈ - પ્રદીપ નેગી અને કપિલ નેગી સાથે એક સાથે લગ્ન કર્યાં છે.

આ લગ્ન અનુસૂચિત જનજાતિનો દરજ્જો ધરાવતા હાટી સમુદાયની બહુ જૂની બહુપતિ પ્રથા હેઠળ થયાં છે. સ્થાનિક ભાષામાં તેને 'જોડીદારા' અથવા 'જાજડા' તરીકે ઓળખવામાં આવે છે.

સિરમૌરના ટ્રાન્સ ગિરી વિસ્તારમાં આ લગ્ન સમારોહમાં સેંકડો ગ્રામીણો અને સગાંસંબંધી હાજર હતા. પરંપરાગત ભોજન, લોકગીત અને નૃત્યના કારણે આ આયોજન યાદગાર બની ગયું હતું.

આ લગ્ન એક સાંસ્કૃતિક પરંપરાનું ઉદાહરણ હોવાની સાથે સાથે આજના યુગમાં આવા લગ્નના કારણે ઘણા સવાલ પણ પેદા થયા છે.

જોડીદારા પ્રથા કેટલી જૂની પરંપરા છે? આ પ્રથાને આજે પણ અનુસરીને બે પુરુષને જીવનસાથી તરીકે પસંદ કરનાર સુનીતા ચૌહાણ પોતાની માન્યતા અંગે શું કહે છે? જુઓ આ વીડિયો.

બીબીસી માટે કલેક્ટિવ ન્યૂઝરૂમનું પ્રકાશન