Imvo n'imvano ku bucuruzi bwambukiranya imipaka hagati ya Gisenyi na Goma

Kuri uyu wa gatandatu tariki 22 z'ukwezi kwa 3 umwaka wa 2025 turi mu mujyi wa Rubavu uhana imbibi n'umujyi wa Goma muri Repubulika ya Demokrasi ya Congo, tuvuga ku bucuruzi bwambukiranya imipaka.

Abakora ubucuruzi buciriritse bwambukiranya imipaka hagati y'iyo mijyi baravuga ko ingano y' ibicuruzwa bajyanaga mu mujyi wa Goma yagabanutse.

Hagiye gushira hafi amezi 2 inyeshyamba za M23 zifashe umujyi wa Goma.

Abacuruzi ba Rubavu bavuga ko urujya n'uruza no kwisanzura mu bikorwa by'ubucuruzi byorohejwe ugereranyije na mbere M23 itarafata Goma, kandi ko kuba Banki zakoreraga i Goma kugeza ubu biteye ingorane mu bucuruzi bwambukiranya imipaka.

Ministeri y'ubucuruzi n'inganda mu Rwanda yo ivuga ko imibare igaragaza ko ubuhahirane hagati y'Uburasirazuba bwa Congo n'u Rwanda yazamutse kuko ako gace gakenera cyane ibicuruzwa biva mu Rwanda.