Samman Vohra wo muri Kenya yegukanye isiganwa ry'imodoka rya Rwanda Mountain Gorilla Rally 2025
- Umwanditsi, Yves Bucyana
- Igikorwa, BBC Gahuzamiryango
Isiganwa rya Rwanda Mountain Gorilla 2025 ryabaye mu mpera z'icyumweru gishize ryegukanywe n'umunyakenya wakoresheje ibihe byiza kurusha abandi aho ryabereye mu bice by'uburasirazuba bw'u Rwanda.
Iri siganwa kandi ryabayemo n'agace ko kwiyerekana mu mujyi wa Kigali hafi ya Kigali Convention Centre karyoheye cyane abakunda isiganwa ry'imodoka.
Mu modoka zirenga 20 zatangiye iri siganwa 13 ni zo zarisoje. Karen Patel uba mu bahabwa amahirwe kuri iyi nshuro yakoze impanuka avamo ku munsi wa kabiri.
Iki gice cyo mu Rwanda ni kimwe mu bigize aya masiganwa nyafurika aho muri buri gihugu abasiganwa bahavana amanota runaka.
Ikiciro kizakurikiraho kizabera i Burundi mu kwezi gutaha, mbere y'uko umwaka w'aya marushanwa usorezwa muri Tanzania muri Nzeri(9).
