Rwanda: Imvo n'imvano ku mishinga nka Graduation Rwanda ifasha impunzi kwiteza imbere

Mu kiganiro Imvo n'Imvano cyo kuri uyu wa gatandatu tariki 25 z'ukwezi kwa 1 umwaka wa 2025 turajya mu nkambi zitandukanye hano mu Rwanda zicumbikiye impunzi ziva mu bihugu bitandukanye, tuvuga kuri imwe mu mishinga ifasha izo impunzi kwiteza imbere.

Muri iyo mishinga yo gufasha impunzi hari uzwi nka 'Graduation Rwanda ' umaze igihe utanga imfashanyo y'amafaranga adasubizwa kuri zimwe mu mpunzi ziri mu nkambi zitandukanye mu Rwanda.

Ni umushinga w'ishami ry'umuryango w'abibumbye ryita ku mpunzi UNHCR ushyirwa mu bikorwa na n'umuryango wa CARITAS-RWANDA na minisiteri ishinzwe ibibazo by'impunzi.

Amafaranga y'u Rwanda ibihumbi 800 niyo buri wese ahabwa nk'igishoro cyo gutangiza umushinga. Iyo mishinga yatangijwe mu mwaka wa 2020 nyuma y'uko inkunga zagenerwaga impunzi zigenda zigabanuka. Si amafaranga ahabwa buri mpunzi. Ni ukubera iki kandi buri wese ayakeneye? Vbose biri muri iki kiganiro.

Imibare itangwa na CARITAS-RWANDA igaragaza ko abagera kuri 30% by'impunzi zimaze guhabwa iyo mfashanyo ziteje imbere kugera ku rwego rwo kwimurira ibikorwa byabo mu mijyi , hanze y'inkambi.

Ikiganiro mwagiteguriwe kandi murakigezwaho na Yves Bucyana