Morkiin Piriimer Liigii taphoonni 10 hanga 11 yeroo hafaa jirutti waancaan argachuu, 1-4 keessa galuun carraa hirmaannaa Shaampiyoons Liigii mirkaneeffachuufi Piriimer Liigii keessaa kufuurraa ooluuf taasifamu akkaan qalbii rarraasuun itti fufeera.
Madda suuraa, Getty Images
Goyookeresh goolii lammaffaa daqiiqaa dabalataa 94ffaa irratti lakkofosiseen Arsenaa goolii 4 fi 1'n Tootenhaam dirree isaatti deemee adabeera.
Giyookeresh 2, Eezeen 2 Arsenaaliif
Ebereechee Eezeen goolii lamaffaa daqiiqaa 61ffaa irratti lakkoofsiseen Arsenaal 3 fi 1'n Tootenhaam dirree isaarratti dursaa jira.
Rasenaal boqonnaa booda taphni jalqabee goolii Giyookeresh lakkoofsiseen 2 fi 1'n dursaa jira.
Arsenaal goolii Eezeen galcheen 1 fi 0'n dursa qabatee ture.
Haata'u malee osoo daqiiqaa lama booda Tootenhaam galchuun wal qixxaateera.
Madda suuraa, Getty Images
Arsenaal daqiiqaa jalqabaa kubbaa guutummaatti to'achuun yaalii gara gooliitti sadii ol taasiseera.
Keessumaa Giyiikeresh sarara ittisaa Tootenaamiif waan qabamaa jiru hin fakkaatu.
Rakkoo tekinika komunikeeshinii waliin walqabatuun taphni yeroof dahhbatee ture jalqabeera.
Madda suuraa, Getty Images
Darbiin Landan Kaabaa Arsenaal gara Tootenhaam deemee taphatu kun akkaanmurteessaadha.
Keessumaa Arsenaal carraa waancaa dorgommii Siitiin duubaan isa muddaa jiru salphifachuuf isa gargaara.
Tilmaamni kenname akka Arsenaal mo'udha.
Isin maal jettu?
Madda suuraa, Getty Images
Liiverpuul daqiiqaa dabalame xumuraa irratti goolii Maak Alister lakkoofsiseen 1 fi 0'n mo'ateera.
Liiverpuul qabxii 45'niin sadarkaa 6ffaa irra jira.
Morkiin 1-4 keessa galuu cimee itti fufeera.
Tapha amma xumurameen Fuulhaam Sanderlaandiin 3 fi 1'n, Kiristaal Palaas ammoo kan Woolvisiin 1 fi 0'n mo'ateera.
Madda suuraa, Getty Images
Nootingihaam Forest Liiverpuul simatee taphachaa jiru. Daqiiqaa sadaffaarratti yaalii bareedaa taphataan Forest Odoo'i jedhamu taasise karra eegaan Liiverpull Alisan haala ajaa'ibaan oolche.
Liierpuul jalaa Filooriyaa Wiirtiz galee taphachuuf osoo qaama ho;ifachaa jiruu miidhamee hin galiin hafeera.
Hanga ammaatti Forerst dhiibbaa uumaa jiru
Nu hordofaa.
Madda suuraa, Getty Images
Ogeessi kubbaa miilaa tilmaamu Kiriis Suutan Arsenaal gara dirree Tootenhaam deemee 3 fi 0'n mo'atee deebiya jedhe.
Leenjisaan haaraa Tootenhaam Igoor Tudoor dandeettii kilabootaa jijjiiruun beekama. Tootenhaamiif kun ni barbaachisa. Yaaddoo kufaatiirraa ba'uuf, tapha tokko ykn lama mo'achuun isanirra jira.
Taphni kun Tootenhaamiif guddaadha. Abdii Arsenaal waancaaf qabutti bishaan naquufis isaan dandeessisa. Morkataasaanii magaalaa tokkoo kanarratti dhiibbaa gochuun isaan gammachisa.
Arsenaal tapha Wolvis waliin taphateen saatii dhumaterratti walqixaan xumureera. Kun ammoo Mikeel Arteettaaf gaddisiisaa ture.
Tootenhaam Arsenaaliin dhaabuuf waan danda'an gochuuf kutatanii kan ka'an ta'uu beekullee, Ze Gaanners garuu tapha kana waan mo'aman hin fakkaau jedhe Suutan.
Isin maal jettu?
Madda suuraa, BBC Sport
Madda suuraa, Getty Images
Ogeessi kubbaa miilaa Kiriis Suutan taphoota Piriimer Liigii hunda eenyu, goolii meeqaan akka mo'atu tilmaama.
Kan torban kanaaf tilmaame keessaa gariin kaleessa taphataman, kaan ammoo har'a taphatamu.
Kan inni tilmaameefi bu'a taphoota kaleessaa, akkasumas taphoota har'a gaggeeffamaniif inni raage hangam milka'aadha.
Madda suuraa, Getty Images
Akkam jirtu? Tapha Piriimer Liigii har'aa kallattiin isin biraan gahuu eegalleerra.
Kan Arsenaal gara dirree Tootenhaam deemee taphatu, akkasumas Liierpuul gara Notingihaam Fores deemee taphatan dabalatee taphoota afur har'a gaggeeffaman isin biraan geenya.
Kan Maanchester Siitiin Niiwukasil keessummeessuun mo'ate, kan Aston Viilaan Liids waliin, akkasumas Chelsiin Barnilee waliin ttaphatanii wal qixa bahanirratti dabalatee taphoota kaleessarraa maal taajjabdan?
Leenjistoonni Siitiifi Chelsii tapha booda maal jedhan?
Nu hordofaa!
